news-inner
clock12:35 calendar-gray 14 Aprel 2020 view-gray1431 dəfə oxunub
view-gray1431 dəfə oxunub

Sənubər İsgəndərli: "Tamaşalarımıza baxanda pis oluram"

“Hamı kimi mən də bu çətin günlərdə həm ailəmi, həm də özümü qoruyuram”.

Bu sözləri Kulis.az -a açıqlamasında Əməkdar artist Sənubər İsgəndərli bildirib. Tanınmış aktrisa “Ata ocağı” serialının çəkilişlərindən də danışıb:

“Bu aralar “Ata ocağı” serialının çəkilişlərinə də gedib gəlirəm. Serialın çəkilişləri yenidən başlayıb. Orda da qorunmaq üçün lazım olan bütün qaydalara əməl edirik. Yəni hamı necə mən də elə qorunuram. İmkan düşdükcə kitab oxuyuram, filmlərə baxıram”.

S.İsgəndərli teatr üçün darıxdığını vurğulayıb:

“Aktyor üçün ailəsi ilə yanaşı ən vacib məkan teatrdı, onun iş yeridi. Ailəmə indi bacardığım qədər vaxt ayırmağa çalışıram. Amma bu dəqiqə ən darıxdığım, narahat olduğum yer teatrdı. Teatrdan, səhnədən ötrü burnumun ucu göynəyir. Seriala çəkilsəm də, filmə də dəvət alsam mənim üçün səhnənin yeri tamam ayrıdı. Ona görə də çox darıxıram. İndi bizim teatrın onlayn tamaşaları yayımlanır. Amma o ayrıdır, canlı tamaşa ayrıdı. Hərdən özüm də oturub o tamaşalarımıza baxıram. Amma çalışıram ki, çox baxmayım. Çünki baxanda daha da pis oluram. Çünki ora mənim üçün ayrı həyat, ayrı nəfəsdi. İnşallah, ümid edirəm ki, tezliklə bu vəziyyətdən qurtularıq.”

Aktrisa daha sonra əlavə edib:

“Bu gün dünyanın boş qalması hamımızda vahimə yaradır. Amma mən indi təbiətin gözəlliyini daha çox qiymətləndirirəm. Elə bil indi ağaclardan, böcəklərdən daha çox ləzzət almağa başlayıram. Təbiətə başqa nəzərlər, başqa bucaqdan baxıram. Yaşadığımız bu pandemiya günlərində təbiəti, hadisələri başqa cür dəyərləndirməyə başlayır insan. Təbiət sanki öz gözəlliyi ilə insanlara meydan oxuyur. Sanki insanlara deyir ki siz məni məhv edib, mənə qarşı çıxırdınız? Ümumi götürəndə doğurdan da bəşər övladı çox təbiətə qarşı çıxdı. Təbiət də sanki indi bütün gözəlliyini insanların qarşısında nümayiş elətdirir. Bu nümayişlə də insan indi anlayır ki, təbiət gözəldir, təbiət ona lazımdır və onu yaşadandır. Ona görə də bu dəqiqə quşların səsi mənim üçün dünyanın ən gözəl simfoniyasıdır”.

Əməkdar artist karantin günlərində mətbəx işlərindən də danışıb:

“Mətbəxlə də aram yaxşıdır (gülür). Hansı xörəyi deyirsinizə, bişirə bilərm, əlimin də qəşəng duzu var. Amma sobada tort, pirojna, çörək bişirə bilmirəm. Ümumiyyətlə, xəmir işlərini bacramıram. Ona görə də bu məsələlərə girişmirəm. Həm də kökəlməkdən qorxuram. Fikirləşirəm ki, karantin bitəndən sonra səhnəyə çıxanda özümüzdən qorxarıq. Yəni o tərəfdən özümü qoruyuram ki, kökəlmə olmasın. Amma deyəsən bir az işləri korlamışam. (gülür)”

news-inner-user

18722 məqalə

Oxşar xəbərlər

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021