writer1

Şərif Ağayar

Məqalə sayı

550
clock11:30 calendar-gray 13 Aprel 2020 view-gray1400 dəfə oxunub
view-gray1400 dəfə oxunub

Evdə tıncıxan yaşlı dostuma təsəlli

Dünən telefonda yaşlı bir dostumla danışırdım, gördüm, adamı koronavirusdan çox yaşlılara münasibət narahat edir. Necəsən sualım kifayət idi ki, giley-güzar başladı. Necə olacam, dedi, əvvəl daha qocalmısan, işə gəlmə dedilər, dalınca da ümumiyyətlə, çölə, bayıra çıxma, söylədilər. Özümü yararsız, artıq, hətta zərərli hiss edirəm.

Adama xeyli təskinlik verdim, bu vəziyyətin keçici olduğunu söylədim, onu xoş gələcəyə, balonları maviliklərə sürəcəyimiz anlara inandırmağa çalışdım. Beynimdəsə tamam başqa şeylər düşünürdüm.

Niyə yaşlanmaq Şərq aləmində adamlara həmişə faciəvi gəlib? Bu qədər kitab-dəftər oxumuşuq, hələ bir nəfərin də bu yaşa çatdığım üçün xoşbəxtəm deyə nəsə yazdığını görməmişik.

Biz qarşımıza çıxan gerçəkliyin pozitiv yanlarını görməyi bacarmırıq. Nazim Hikməti ona görə sevirəm ki, ən ağır şərtlər altında belə yaşamaqdan zövq almağı bacarıb və bunu şeirlə oxucuya yansıda bilib. Həyat gözəldir axı. Bütün yaşlarda. Hətta can verdiyin an bir-iki saniyəlik dərindən nəfəs alıb pəncərəyə baxmaq belə çox gözəldir. Biz niyə bu anları yaxalayıb dadını çıxarmağı bacarmırıq?

Şəxsən mən çətinliklər və səhhət ucundan 30-35 il yaşayacağıma inana bilmirdim. Əmin idim ki, tez öləcəm. Ürəyim istəyən bir sevgi yaşamadan, ailə-uşaq sahibi olmadan, normal bir şey yazmadan. Yəni, heç nə olub gedəcəm. Amma zamanla uzaqdan durbinlə baxdığım çağlara çox rahatca gəlib çıxdım. İndi 40 yaşın ortalarındayam. Səmimi etiraf edim ki, bu yaşa gəlib çatmağım içimə həmişə ilıq bir xoşbəxtlik yayıb.

Əminəm, 60-a, 70-ə çata bilsəm, yaşlılığın çətinliyi ilə yanaşı mutluluğunu da mütləq yaşayacam. Bəs ümumilikdə insanlar, xırda istisnalarla bunu niyə bacarmırlar? Dünyaya 65 yaşın üstündən baxmağın nə boyda səadət olduğunu bilmirlərmi? Niyə yaşlı azərbaycanlı mütləq indiki vəziyyətini gəncliklə müqayisə edir? Ona problem lazımdır? Axı müqayisə olunan predmet və hadisələrin oxşar yanı olmalıdır.

Gəncliklə gənclik müqayisə oluna bilər. Məsələn, mən gəncliyimdə belə idim, sən elə. Dünyada mən qocalığımda belə idim, sən gəncliyində elə deyən adam gördünüzmü? Madam qocalığımızı başqasının gəncliyi ilə müqayisə etmirik, öz gəncliyimizlə də müqayisə edib içimizdə qan qaraçılığı yaratmayaq. Hər yaşın öz gerçəkliyi var və ağıllı adamlar gerçəkliyə sayğı ilə yanaşır.

Danimarkalı rejissor Lars Fon Trierin “Qaranlıqda rəqs” filminin qadın qəhrəmanının gözləri tutulur. O, həm də rəqqasədir. Sənəti ona ən ağır məqamlarda kömək edir. İçindəki ümidi itirməmək üçün rəqs edə-edə mahnılar oxuyur. Mahnıların mənası təxminən belədir ki, əlbəttə, yağışlar, çəmənlər, axan çaylar, uçan quşlar gözəldir, mənsə xoşbəxtəm, nə vaxtsa onları doya-doya görmüşəm.

Gəncliyi yaşayan, üstəlik bonus olaraq qocalığı da yaşayan insanlar nə qədər xoşbəxtdir və bu xoşbəxtliyin sabah başımıza gələnlərlə heç bir əlaqəsi yoxdur.

...Hansısa toyda tamada mikrofonda “Hamınıza qocalmaq arzu edirəm” söyləmişdi. Adamlar əvvəl çaşıb qalmışdılar. Axı adətən məclislərdə hamıya gənc qalmağı arzu edirlər. Qonaqların çaşdığını görən tamada tez-tələsik davam etmişdi: “Yəni uzun yaşayın, qocalığı da görün!”

Yazımı bu düşük dahiyanəliklə yekunlaşdırmaq istəyirəm.

Çünki bayaqdan demək istədiyim elə bu idi.

REKLAM

Yazarın digər yazıları

Xəbər lenti

Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021