news-inner
clock17:53 calendar-gray 09 Aprel 2020 view-gray1468 dəfə oxunub
view-gray1468 dəfə oxunub

Dünyanın süfrəsinə duz dağılıb - Amil Amaldan yeni şeirlər

Kulis.az Amil Amalın yeni şeirlərini təqdim edir.

Duz dağılanda süfrəmizdə
Nənəm qənd qoyardı ki,
evdə dava olmasın.

Nə qanırdıq, uşaqdıq,
evdəki davanı,
çöldəki müharibəni.

Hardasa
beş-altı yaşım olardı.
Qrad səsləri
hələ də qulağımdadı.

İndi yadıma salıb
elə hey düşünürəm.
Görən, dünyanın da
süfrəsində duz dağılıb,
qəndləri yoxmu
qoymağa?

------------


Heydər Əliyev adına hava limanı.
Terminal 1.
Artıq üçüncü dəfədir
detektor səs-küy salır.
Kimsə üstündə nəsə unudub,
ciblərini axtararaq təzədən keçir.

Saçları ağ, orta yaşlı bir kişi
qollarını qaldırıb əsəbləşir.
Deyəsən xaricə birinci səfəridir.
Polis yenidən şübhəli-şübhəli
kişinin üstünü axtarır.

Qəfil polisin əli nəyəsə dəyir.
Kişi yaxasını açıb sinəsindəki
qəlpə yarasını göstərir.

Pasport yoxlanışı.
Yumruq kimi vurulan möhür.
Müharibə veteranı.
Çamadanlar yuxarı qalxır...


---------

Kirini çıxardır,
dırnağını tutur,
burnunu fıxırır,
qulağını eşir,
tərləyir, tüpürür,
özünü boşaldır,
tüklərini qırxır,
dişlərini çəkir,
işiyir, qaz buraxır,
böyük bayıra çıxır,
qusur, qaytarır,
qan axıdır
və bütün bu
özündən xaricetmələrin
qarşısında insan
ən saf ifrazını,
ən təmizini edir.
Kövrəlir, ağlayır,
göz yaşı tökür.


------


Üz-üzə idi yerləri.
Skripkaçı və dönərçi.
Küçə musiqisi
və küçə yeməyi...

Birinin əlində uzun bıçaq,
birinin əlində uzun yay.
Biri əti kəsirdi
biri barmaqlarını.

Birinin qabağına kağız pul,
birinin qabağına qəpik-quruş
qoyub gedirdi adamlar.

Amma bilmirdi adamlar,
yay atın telindən,
dönər atın ətindən.

news-inner-user

17115 məqalə

Oxşar xəbərlər

Xəbər lenti

Tanınmış şairə vəfat etdi
21:10 26 Noyabr 2020
Pənahəli xanın dağıdılmış imarəti
18:37 26 Noyabr 2020
Müvəqqəti komendantlıqlar üzrə iclas keçirildi
17:49 26 Noyabr 2020
Nə yaxşı görüşdük, nə yaxşı yenə - Ən gözəl Kəlbəcər şeirləri
17:01 26 Noyabr 2020
Döyüşçü oğlunu ağladan səbəb - Hekayə
16:17 26 Noyabr 2020
“Qarabağ”ın Qarabağ qələbəsi – Ulucay yazır...
15:34 26 Noyabr 2020
İstedadı ilə hamını heyrətləndirən, iki dəqiqəyə qızların sevimlisinə çevrilən, gənc yaşında “yüksək doza”dan ölən azərbaycanlı şair – Maraqlı faktlar
14:53 26 Noyabr 2020
"Can Azərbaycan" adlı müsabiqə elan olundu
14:10 26 Noyabr 2020
Qəriblik - Əli Şirindən şeir-esse
13:32 26 Noyabr 2020
Xalq artistindən sürpriz Şuşa açıqlaması
12:53 26 Noyabr 2020
Cavanşir Quliyev: "Bakıda lazım olduğuma əmin deyiləm" - Müsahibə
12:11 26 Noyabr 2020
Əməkdar artist vəfat etdi
11:39 26 Noyabr 2020
Aqşindən Seymur Baycana reaksiya: "Onu oxumuram"
11:09 26 Noyabr 2020
Xəlil Rza Ulutürkün bacısı dünyasını dəyişdi
10:17 26 Noyabr 2020
Maradonanın ən böyük peşmanlığı - Ayxan Ayvaz yazır...
10:00 26 Noyabr 2020
Bombardmandan Azərbaycan bayrağını çıxaran gəncəli Xəyyam: “Gördüm, qızımın başından qan axır”
09:00 26 Noyabr 2020
İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020