17:01
07 Aprel 2020
1792 dəfə oxunub
1792 dəfə oxunub
Bu soyuq aprel günü,
Küçələr boş və səssiz.
Demək, yaşamaq olur,
İstəyəndə həvəssiz...
Bəlkə bir şəkil çəkək
Bu bezmiş telefonla.
Görək, necə düşürük
Havadakı bu fonla...
O üzbəüz binadan
Baxır, gəl sən də tanı.
İndi oxuduğumuz
Kitabın qəhrəmanı...
Durub çıxım həyətə
Geciksəm, zəng vuraram.
Ağaclara bir sözün
Varsa, de, çatdıraram...
Ya da aç pəncərəni,
Aprel udaq bir udum...
...bir azdan axşam düşür,
Xəbərlərdə oxudum...
