news-inner
clock17:57 calendar-gray 02 Aprel 2020 view-gray659 dəfə oxunub
view-gray659 dəfə oxunub

Görünmür qəlbinə taxdığın üzük - Yeni sevgi şeirləri

Kulis.az Fərid Həsənzadənin yeni şeirlərini təqdim edir.

Mən indi neyləyim, batım yasına?
Demirəm mən belə etsəm, yeri var.
Nişanlın nə bilsin nişanlısına,
Sevgi şeirləri yazan biri var.

Sən qaldın, mən getdim, nə deyim, xoşdu,
Ürəyin qalmadı, o getdi mən də.
Axı köks ötürmək, mənasız, boşdu,
24 səndədir, 17 məndə.

Sən niyə içimdə yüz cürə dona
Girmisən, sevgini durub danan qız.
Barmağı üzüklə başqa oğlana,
Ürəyi tək mənə nişanlanan qız.

Birləşə bilmərik sevgidən kənar,
Demə bu sevgidə doğruyuq, düzük.
Üzük barmağında görünür aşkar,
Görünmür qəlbinə taxdığın üzük.

Baxan barmağına bilir ki, şirin,
Sirli bir sevginin canı, qanısan.
Baxan hardan bilsin sən bir şairin,
Bir neçə şeirinin qəhrəmanısan.

Yaman pis oluram ürək dedikcə,
Səndə var bir yarım, məndə bir yarım.
Qorxma bu sevgini biləcək təkcə,
Allah, sən, mən, bir də oxucularım.


***


Baxmaq gözünün içinə,
Cəsarət filan istəmir.
Gərək deyil başqa heç nə,
Məhəbbət yalan istəmir.

Həqiqətdi, yozum deyil,
Kim itirdi, kim tələsdi.
Dəli kimi lazım deyil,
Adam kimi sevək, bəsdi.

Səadət lap yaxındadı,
Quş olub uça bilmirəm.
İki əlim yaxandadır,
Düyməni aça bilmirəm.


***

Çox baxma dərin-dərin,
Boşdu yanımda yerin.
Sənə olan hisslərim,
Elə sözüm rəngdədir.

Həsrət üzü küncədi,
Ayrılıq gülüncədi.
Qəmzələrin incədi,
Yəni həzin rəngdədir.

Uzanıb sənə əlim,
Sən çağır, mən də gəlim.
Dənizə bax, sevgilim
Dəniz gözün rəngdədir.


***

Bayaqdan gözləyirəm,
Neçə saatdır səni.
Əlli dəfə gəzmişəm,
O baş, bu baş küçəni.

Məni tanıyır artıq,
Qurdlar, quşlar, böcəklər.
Axırda bu küçəyə,
Adımı verəcəklər.

Nəhayət gəlib çıxdın,
Gəl şeirimə dol, gedək.
Yola gedə bilmirik,
Heç olmasa yol gedək.


***

Nə vaxt ayrı düşdük biz,
bu qədər uzaq olduq?
Məsafəyə, yollara
qoşulub ortaq olduq.

Ölçü kilometrlər -
ürəklərin yarası.
Nəylə ölçülür görən
bəs ürəklərarası
məsafələr və yollar?
bəlkə belə ölçü yox.

Zaman uzağı kəsmir,
zamanın ülgücü yox.

Şeirim də sənə çatmır,
fikir ver, uzaqdasan.
Ya uzaq bir dənədi
ya sən hər uzaqdasan.

Gallery

news-inner-user

16057 məqalə

Oxşar xəbərlər

Xəbər lenti

Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Xalça şərqisi – Rafiq Tağının hekayəsi
15:41 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020