news-inner
clock17:39 calendar-gray 17 Mart 2020 view-gray1366 dəfə oxunub
view-gray1366 dəfə oxunub

Gündəmdə ölüm xəbəri, təqvimdə bayram günü... – Səhər Əhməddən yeni şeirlər

Kulis.az Səhər Əhmədin yeni şeirlərini təqdim edir.

Həyatın təntənəsi

Gündəmdə ölüm xəbəri,
Təqvimdə bayram günü.
Havada “Koronavirus”
Torpaqda mina kimi...

Qara maskalı böyüklər,
Ev dustağı uşaqlar.
Tətil eləmiş məktəblər,
Susmuş dayanacaqlar.

Adamların bir-birinə
Telefonda təbriki,
Ölüm düşərgəsindəki
Zarafatlardı, sanki.

“Dışarıda sren səsi”,
Evdə bayram süfrəsi.
Ölümün vahiməsinə
Həyatın təntənəsi.

Və ilaxır çərşənbəsi,
Tüstüləyən ocaqlar.
Bir də hər şeydən xəbərsiz
Çiçəkləyən ağaclar.

Bir də gülümsəyən Günəş,
Təsəlli təbəssümü.
Qaranlığın üzərində
Qələbə təcəssümü...

Şairlər hələ sağdı

Yenə bahar naz eləyir,
Gah gəlir, gah qayıdır.
Yenə ağac pıçıltıyla
Tumurcuğu oyadır.

Yenə Günəş gülümsünür,
Yenə dəniz fikirli.
Yenə fələk öz işində
Yenə zaman məkrli.

Yenə yağış nəğmə deyir,
Yenə külək züy tutur.
Yenə sabah gəl-gəl deyib
Bu günlərə toy tutur.

Yenə adamlar həyata
Vaxt hesabı uduzur.
Yenə hamı qayğılıdı,
Yenə hamı narazı.

Yenə Tanrı bağışlayan,
Yenə bəndə uşaqdı.
Peyğəmbərlər çoxdan ölüb,
Şairlər hələ sağdı.

“Qaz lələyi qanun yazır”,
Haqsıza kam aldırır.
Yenə ümid yol azdırır,
Arzu adam öldürür.

Hamam hamam içindədi,
Xəlbir saman içində.
Doğru sual altındadı,
Gerçək duman içində.

Minarələr dua edir,
Məscidlər namaz qılır.
Yenə hesab düz alınmır,
Yenə yerdə az qalır.

Alimlər hey kəşf eləyir,
Yenə müşkül açılmır.
Bədbəxtliyin müalicəsi,
(“Xoşbəxtliyin qafiyəsi”)
Tapılmır ki, tapılmır.

8 Mart şeiri

Mənə yaman maraqlıdı,
Səninçün kiməm axı?!
Ögeylərin ən doğması,
Doğmaların ən yadı.

Nə bilim ki, niyə yoxsan,
Bu dəqiqə hardasan?!
İş başındasanmı, yoxsa
Sükan arxasındasan?!

Bəlkə, adım dilindədi,
Yenə zikr eləyirsən?!
Hərdən qorxub çəkinirsən,
Hərdən şükr eləyirsən?!

Bəlkə, indi şəkillərdən
Sənə əl eləyirəm?!
Özümsə burda oturub,
Tənlik həll eləyirəm.

Düşünürəm ki, görəsən,
Evdəsən ya çöldəsən?!
Mən olan A nöqtəsinə
Hansı paraleldəsən?!

Yəqin ki, qaçaqaçdasan,
Nə işlər var başında.
Bilirəm ki, yadındayam,
Lələk yandırmasam da.

Bir telefondu, bir daxma,
Bir də susqun mən axmaq.
Darıxıram, ömrüm-günüm,
Zülm işdi darıxmaq.

Baş götürüb gedə bilsəm,
Gizlənməyə yer olsa.
Bir daha geri dönmərəm
Iki dünya bir olsa.

Amma cəsarətim yoxdu
Bu qapıdan çıxmağa.
Çoxdan məhkum olunmuşam
Bu evdə darıxmağa.

Nədi ki həyat dediyin,
Bir ömürlük müəmma.
Təkadamlıq kamerada
Bircə nəfəslik səma.

Gecikmə, qurbanın olum,
Ölüm yetişmədən gəl.
Bir-bir sönür ümidlərim,
Qaranlıq düşmədən gəl.

De ki, “Şəngülüm, Məngülüm,
Aç qapını, mən gəlim”.
Bir az sən sus, mən danışım,
Bir az sən de, mən gülüm.

Gəl, sözünə güvəndiyim,
Oduna qızındığım.
Hərf-hərf, heca-heca,
Adına yazıldığım.

Boğuluram öz içimdə
Gəl məni çölə çıxar.
Bir xilas kəməri uzat,
Gəl məni məndən apar.

Demirəm ki, əlində gül,
Qoynunda çiçək olsun.
Üzündə həmin təbəssüm,
Sinəndə ürək olsun.

Tələsik nəbzimi yoxla,
Denən “qorxma, sən sağsan”.
De ki, edam hökmü yoxdu,
Gözün aydın, azadsan.

Bircə damcı şəfa gətir,
Bir az güc, bir az Vətən.
De ki, sən yuxu görmürdün,
Denən, “mən həqiqətəm”.

De ki, qələbə bizimdi,
Atəşkəs pozulmayıb.
De ki, bugün saytlarda
Bəd xəbər yazılmayıb.

Söylə, “bax bahar qayıdır,
Arzular cücərəcək”.
De ki, sabah bayramındı,
8 Martın mübarək!

Oxşar xəbərlər

Xəbər lenti

Alimlərimiz Əlişir Nəvai konfransında
17:56 14 Aprel 2021
Nə qədər acı olsa da, Seymur haqlıdır – Cavanşir Yusifli yazır...
17:05 14 Aprel 2021
Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021
Övladı olmadı, Azərbaycanı biryolluq tərk etdi, gözləri tutuldu... – Kinomuzun Humayı hardadır?
14:10 13 Aprel 2021