writer1

Samirə Əşrəf

Məqalə sayı

128
clock13:19 calendar-gray 16 Mart 2020 view-gray1974 dəfə oxunub
view-gray1974 dəfə oxunub

Koronavirusa qarşı makaronla mübarizə

İstəsək də, istəməsək də son günlər yaşantımızı, sosial həyatımızı zəbt edən Koronovirus xəstəliyi insanlarda dərin təşviş və narahatlıq yaradıb.

Virusun qonşu ölkələrdən sonra bizdə də aşkar olunması ilk olaraq apteklərdən spirt və maskaların yoxa çıxmasına səbəb oldu. Məsələnin bu tərəfindən pul qazanan işbazlar tapılıb cəzalandırılsalar da, hələ də on aptekdən altısında maska və spirt qıtlığı var. Bunun bir səbəbi də ondan ibarətdir ki, adını sadaladığımız tibbi məhsulları tapdıqları zaman insanlar onlardan ədədlə yox, qutu ilə alırlar. Litrlə spirt alıb evinə qoyanlar elə təəssürat yaradırlar ki, sanki əllərini yumaqdan başqa həm də hər gün spirt vannası qəbul edəcəklər.

Koronovirus söhbətlərinin əhatə dairəsi genişləndikcə adamların təşvişi də çoxalmağa başladı. Marketlər hamısı bir gecədə boşaldı. Bu boşluğu görəndə adama elə gəlir ki, sanki hansısa qeyri məlum və böyük aclıq dövrünə hazırlaşırıq. Paçkalarla salfet, tualet kağızı, makaron, konserv alanların əlindən marketlərə girmək qeyri mümkündür. Adam tanıyıram ki, bir gündə marketə beş dəfə gedib qayıdır. Və hər dəfə də eyni ərzaqlardan, məişət vasitələrindən təkrar-təkrar zənbillərinə dürtüb aparırlar. Bir aylıq ehtiyatlarını gördükdən sonra bu adamlar növbəti ayların da tədarükünü görürlər.

Zənbillərini doldurub, ancaq özlərini və mədələrini düşünən bu adamlar geridə qalan, bayramqabağı bazarlıq etməyə hələm-hələm imkan tapmayan insanları qəti şəkildə düşünmürlər. Onlar həm də düşünmürlər ki, onun qohum, qonşusunun da bu cür qidalara və məişət ləvazimatlarına ehtiyacları var. Və heç olmasa marketlərin vitrinində onlar üçün də dişə vurmalı nələrsə saxlasınlar. Sanki virusun dərmanı makarondur.

Özünü hoppanıb Nuhun gəmisinə minən və yer kürəsindəki yeganə artım vasitəsi hesab edən bu insanlar fikirləşmirlər ki, daşıyıb evə yığdıqları ərzaqları da uzağı bir ay yeyəcəklər. Yaxşı, bəs sonra?!

Ölkədə bu qədər mədəniyyət ocaqları, teatrlar, kinoteatrlar, muzeylər bağlandı. Nə qədər əhəmiyyətli tədbirlər təxirə salındı, amma bizim marketə axışan insanlarımız həmin məqamda heç bir narahatlıq keçirmədilər. İqtisadiyyat nazirinin ölkə üzrə əhalinin qidalanması ilə bağlı heç bir problem olmayacağına dair açıqlamasından sonra belə insanlar öz bildiklərindən qalmadılar. Hər gün saytlar, televiziyalar apteklərin və ərzaq mağazalarının iş rejimində dəyişiklik olmayacağını bildirsələr də, insanlar yalnız yeməyi düşünür.

Əlbəttə aclıq bəşər övladı üçün çox ağır sınaqdır. Bunun əksi olması barədə burda dastan açmaq fikrim yoxdur. Amma yaxşı olardı ki, Koronovirusun hal-hazırda 366-dan çox can aldığı İtaliyaya da nəzər yetirək. Karantinə alınan insanların belə eyvanlarından İtaliyanın bayrağını asaraq əylənməsi, xəstəliyə və ya qarşıdan gələcək hər hansısa fəlakətə qarşı pozitiv, insani və ibrətamiz münasibətindən nəticə çıxaraq. Bəlkə o zaman yaxşılığa doğru nələrsə dəyişdi.

REKLAM

Yazarın digər yazıları

Xəbər lenti

Sənmi dolandırırsan söylə çərxi-fələyi? – Məmməd Rahimin şeirləri
21:00 07 Aprel 2020
Kuklaçıların çağırışı
18:59 07 Aprel 2020
Evdə qal və muzeylərə səyahət et
18:25 07 Aprel 2020
Dünyamızı dəyişən koronavirus testi – Sərdar Amin yazır...
17:44 07 Aprel 2020
Qodar koronavirusdan danışacaq
17:20 07 Aprel 2020
Mətləb Ağadan karantin şeiri - Mətn
17:01 07 Aprel 2020
Koronavirusla mübarizəyə həsr edilmiş rəsm müsabiqəsi elan olunub
16:20 07 Aprel 2020
Xalq artisti evində onlayn konsert verəcək
15:42 07 Aprel 2020
Qohumu onu öldürmək istədi, güllə ayaqqabısına dəydi, çörək verdiyi küçə uşaqları evini soydu – Xalq artistinin film kimi həyatı
15:18 07 Aprel 2020
Çingiz Abdullayevlə ad günü söhbəti: "İlk təbrik edən həyat yoldaşım oldu" - Müsahibə
14:37 07 Aprel 2020
Məşhur aktyor karantin günlərini seriala çevirdi
14:01 07 Aprel 2020
Bir cümləlik pandemiya hekayəsi – Mətn
13:20 07 Aprel 2020
İlham Namiq Kamal: "Şamaxıda bağ evimdə..."
12:38 07 Aprel 2020
Tanınmış fizik: “Bizi daha böyük pandemiya təhlükəsi də gözləyə bilər” – Müsahibə
12:01 07 Aprel 2020
Xalq artisti: "Bu gün Allaha daha çox yalvarmaq zamanıdır"
11:33 07 Aprel 2020
Aktrisa koronavirusdan öldü
11:06 07 Aprel 2020
Uşaqların sinif yoldaşlarından gizlədiyimiz evimiz - Onlayn dərslər
10:36 07 Aprel 2020
Yazıçı koronavirusa necə qalib gəldi?
10:06 07 Aprel 2020
"Yuğ" Teatrı "Evdə qal" çağırışına qoşuldu
09:37 07 Aprel 2020
Direktorun bacısı qızına vurulan məktəbli - Şahmarın hekayəsi
08:59 07 Aprel 2020