Xəzər TV-yə yeni rəhbər təyin olunmuş Murad Dadaşov məşhur müğənnilər Manaf Ağayev, Mətanət Əsədova və Şəbnəm Tovuzluya efir qadağası qoyub.
Əslində, buna qadağa demək də olmaz: çağırmırsan, vəssalam!
Qadağanı ciddi adamlar üçün qoyurlar.
Toy ifaçılarına qadağa qoymaq aparıcı Tolikin verilişinin bağlanmasından sonra Xəzər TV-də atılan növbəti tarixi addımdır. Bəli, məhz tarixi addım!
Çünki, doğrudan da son illər toylardan pul qazanan müğənnilər efiri başına götürmüşdü və səhnəni toyxanaya çevirmişdi.
Ən pisi, onların bəlli bir tamaşaçı kütləsi də formalaşmışdı.
Bütün gün efirdən düşməyən bu insanların leksikonunda cəmi 50-60 söz vardı və bu illər ərzində bu sözləri deyib qurtarmışdılar. Artıq on ilə yaxın idi ki, tamaşaçı çevir tatı-vur tatı dinləyirdi.
Ümid edək ki, Xəzər TV-də başlanan bu təşəbbüs o biri telekanallarda da həyata keçiriləcək və efirimiz ömründə bir ciddi kitab oxumayan, intellekti bərbad, savadsız, iki sözü dalbadal deyə bilməyən, buna baxmayaraq hər şeydən danışan və hamıya ağıl öyrədən toyxana qafalılardan təmizlənəcək.
Murad Dadaşovu dəstəkləyir və ona uğurlar diləyirik!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər