“Nika” Rusiya Kinematoqrafiya Sənətləri Akademiyasının vitse-prezidenti, Azərbaycan Kinematoqrafçılar İttifaqının sədri, Azərbaycanın xalq yazıçısı Rüstəm İbrahimbəyov "Şərəf və ləyaqətə görə" "Nika"ya layiq görülüb.
Kulis.az xəbər verir ki, Rusiya milli kino mükafatının təqdimatı martın 29-da 33-cü mərasim zamanı baş tutacaq.
Hələlik isə eyniadlı kinoakademiyaya uzun illər rəhbərlik etmiş mərhum rejissor Eldar Ryazanovun adını daşıyan klubda kinematoqrafçılar toplaşıblar ki, səsvermənin ikinci mərhələsini gerçəkləşdirib qalan nominasiyaların seçimini etsinlər. Nominantlar arasında 4 nominasiya üzrə Kinoakademiyanın prezidenti Andrey Konçalovskinin “Günah” filmi də var.
Prezident səsvermədə iştirak etməyib. İdarəetmə “sükanı” bu dəfə də Yuliy Qusmanın əlində olub. Builki “Nika”ya namizədlər arasında nominasiya çoxluğu üzrə Andrey Smirnovun “Fransız” filmi liderlik edir.
“Nika” Rusiya Milli Kino Mükafatı 1987-ci ildə SSRİ Kinematoqrafçılar İttifaqının katibliyi tərəfindən təsis edilib. Mükafatın təsisçisi və bədii rəhbəri Yuliy Qusmandır.
“Şərəf və ləyaqətə görə” nominasiyasında “Nika”ya ötən illərdə Yuliy Rayzman, Nikolay Kryuçkov, İosif Xeyfits, Qriqoriq Çuxray, Vyaçeslav Tixonov, Aleksey Batalov, Sergey Yurskiy, Otar İoseliani və bir çox digər görkəmli kino xadimləri layiq görülüblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər