Varis Qismətə cavab verdi: “Gözü məni götürmür”

Media

Ana səhifə
Media

Varis Qismətə cavab verdi: “Gözü məni götürmür”

4 mart 2020

14:09

Tanınmış yazar Varis Yolçuyev şair-esseist Qismət Rüstəmovun öz yazısında onunla bağlı yazdığı fikirlərə münasibət bildirib.

O, Kulis.aza açıqlamasında aşağıdakıları qeyd edib:

“Mən başa düşürəm, hərdən kimlərsə süst ədəbiyyat sularında nəsə bir süni tərpənmə eləmək istəyirlər, özü də bunu, daha çox özlərinin mövcud olmalarının sübutuna hesablayırlar.

London mükafatının qısa siyahısına, Rüstəmovun iddia etdiyi kimi, minlərlə yox, cəmi 50 yazar daxil edilib, bu rəsmi məlumatı Kulis saytı da dərc edib, Trend agentliyi isə mükafatın rəsmi saytına istinadən siyahını dərc etmişdi.

Rüstəmovun davası London mükafatı ilə deyil, mənimlədir, 10 ildir bu adam mənim əleyhimə danışır. Düzdür, mən reaksiya vermirəm, öz işimi görürəm, amma gözü götürmədiyi, içi mən qarışıq uğur qazanan ayrı-ayrı yazarlara - indi də kitabları yaxşı satılan Rövşən Abdullaoğlunu hədəf götürüb - ağzına gələni deyib cavab almaması onu rahatlandırmasın. Çünki, budəfəki kimi hansısa nüfuzlu beynəlxalq təsisata iftira yağdırması cavabsız qalmaya bilər, sonda onun yolunu məhkəmələrə aparıb salar.

Kimlərinsə oyunçu ola-ola özlərini ədəbiyyatda arbitr kimi göstərmək cəhdi heç vaxt uğur qazanmayıb. Ədəbiyyat - qərəzli sözlərlə başqalarına hücum etmək yox, bədii sözlərlə gözəllik yaratmaqla ədəbiyyat olur.”