news-inner
clock14:49 calendar-gray 28 Fevral 2020 view-gray2904 dəfə oxunub
view-gray2904 dəfə oxunub

Müşfiq Şükürlü: “Qadınlarla müvəqqəti münasibətlər daha yaxşıdır” – Müsahibə

Kulis.az “Səni deyirlər” layihəsindən son günlər gündəmdən düşməyən gənc yazar Müşfiq Şükürlü ilə söhbəti təqdim edir. Bu gün həm də Müşfiq bəyin doğum günüdür.

- Cavid Zeynallının paxıllığını niyə çəkirsən?

- Sovet kənd nəsrinə məhəbbətimdən (gülür). Vallah nə bilim. Cavid deyirsən, yəni, elə güclü yazıçıdı? Məncə, paxıllığı çəkilməli daha yaxşı imzalar var.

- Rəşad Məcid deyir, xəbər yaza bilmir. Doğrudur?

- Bu, niyə Rəşad müəllimi narahat edir, bilmirəm. O, elə deyirsə, elədi. Amma Rəşad Məcidin baş redaktoru olduğu qəzetdə işlədiyim iki il ərzində Rəşad Məcidin katibi olduğu AYB-nin cansıxıcı Natəvan klubundan reportajlar, xəbərlər az yazmamışam. Bacarmıramsa, gərək o vaxtdan deyəydi. Rəşad müəllimə hörmətim həmişə olub. Sadəcə, “525-ci qəzet” artıq öz məktəb dövrünü keçib. Ordan təzə imzalar çıxırmı yenə də? İnanmıram. O çərçivələrdə yazmaq bizim nəsil üçün artıq çətindir.

- Deyirlər, Gənc Ədiblər Məktəbində səndən istedadlı imzalar çox olub, buna görə hirsini onlardan çıxırsan?

- Məndən əvvəlki ədibləri deyirsən, yəqin. Klassikləri. Onlar klassikdir də artıq. Bizə modern təfəkkürlü ədiblər lazımdır.

- Deyirlər, Cavid Zeynallıdan yazmaq üçün səni Şərif Ağayar öyrədib. Yazının yaranma tarixçəsini danışarsan?

- Əlbəttə, Şərif məni öyrədir. Hətta arada mən də onu öyrədirəm. “Komandir” romanını tənqid etmişdim bir dəfə. Sərt şəkildə. Kulis.az da da yayımladı. Cavid haqda yazı belə yarandı ki, Rəşad Məcid gözlənilməz bir paylaşım elədi. Açığı, Cavid Zeynallının hekayəsini oxumaq fikrim yox idi. Çünki mən Cavidi tükənmiş yazıçı sayıram. Rəşad müəllimin statusu isə məni vadar elədi ki, o hekayəni oxuyum. Rəşad Məcidin ədəbi zövqü yaxşıdır. Amma Cavidin hekayəsi gerçəkdən nimdaş idi. Ola bilsin, Rəşad müəllimin nəsə ovqatına düşüb, yazıb. Ardınca da bir xeyli adam paylaşdı hekayəni. Unikal əsər kimi. Mənə qəribə göründü, əlbəttə. Kimsə yazmalı idi həqiqətləri. Missiyanı öz boynuma götürdüm (gülür).

- Əsəd Cahangirin də adını hallandıranlar var. Guya sən onun yetirməsisən. Boynuna al, belə bir iş varmı?

- Yazım yaxşı alınıb, yəqin. Bunu demək istəyirlər. Əsəd Cahangir istedadlı tənqidçidir. Şərifin, Əsədin yazılarını oxuyuram. Onlardan öyrənməyib kimdən öyrənim?!

- Sən canın, Prustu axıracan oxumusan?

- Guya ortasınacan oxusam nolacaqdı ki? Kitabdı da oxudum. Bir səhv eləm. Bir də oxumaram, Oğuz.

- Feysbukda niyə ingilis dilində parçalar paylaşırsan? Özünü intellektual göstərməyə çalışırsan?

- Görünürəmmi heç olmasa? (gülür). İngilis dilində nəsə paylaşmaq, yazmaq, danışmaq intellektuallıq olsaydı, onda ingilis dili müəllimləri bütün dünyanı idarə edərdi. İntellektuallığın ingiliscəsi, azərbaycancası, yəqin ki, olmur. Dərinə getsək, intellektuallıq elə düşüncə şousudur. Zəka tamaşası. İntellektual görünmək intellektuallığın mahiyyətindədir. Ziyanı yoxdur.

- Aygün Kazımova ilə bağlı yazıya görə səni kim öyrətmişdi?

- Ağlıma Şərif Ağayar gəldi, amma o, Röyanı daha çox sevir.

- Qadınlarla niyə yola getmirsən?

- Kişinin ağzı nədir qadınla yola getməsin. Əksinə, bir az feministliyim də var.

- Sevgilin varmı?

- Xoşbəxtlikdən yoxdur. Problemdir sevgili. Kişi qadından tez yorulur, adətən. Azad və müvəqqəti münasibətlər yaxşıdır.

- Səncə, doğurdan Kafkaya bənzəyirsən?

- Son vaxtlar oxşadıram. Üzdən amma. Kafkaya bənzəmək üçün bir az Kafka oxumaq, bir az anlaşılmaz, təzadlı fikirlərə sahib olmaq bəsdir. Bu xüsusiyyət məndə var bir az. Amma əvvəllər daha çox idi. Artıq konkret və aydın olmağa çalışıram.

- Qeybətləşdik, az qala ad günün yadımızdan çıxdı. Təbrik edirik. Ad günü sənin üçün nədir?

- Çox sağ ol! Ad gününün bir qəşəng tərəfi var. Yaşım artır. 26 oldu. Yaşımın da o vaxtıdır ki, istəyirsən 30-35 olasan tezcənə. Amma 50-də belə ləzzət alacammı? Bilmirəm. Xüsusi günləri formal olaraq qəbul edirik. Bayramlar necə, ad günü də elə. Nerde o eski Ramnazanlar?

- Gəl sonda bir test edək: ad gününü kiminlə keçirtmək istəyərdin?

1. Rəşad Məcid

2. Əsəd Cahangir

3. Şərif Ağayar

4. Cavid Zeynallı

5. Gözəl bir xanım

- Cavid Zeynallı (gülür).

news-inner-user
Oğuz Ayvaz

210 məqalə

Oxşar xəbərlər

Xəbər lenti

Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021