news-inner
clock09:41 calendar-gray 19 Fevral 2020 view-gray335 dəfə oxunub
view-gray335 dəfə oxunub

Aydın Kazımzadənin 80 illiyinə həsr olunmuş tədbir keçirildi

Fevralın 18-də Azərbaycan Dövlət Film Fondunda kinoşünas Aydın Kazımzadənin 80 illiyinə həsr olunmuş tədbir keçirilib.

Kulis.az-ın Nazirliyin saytına istinadən verdiyi xəbərə görə, tədbir Mədəniyyət Nazirliyinin dəstəyi, Dövlət Film Fondunun təşkilatçılığı ilə reallaşıb.

Tədbirdə çıxış edən mədəniyyət nazirinin birinci müavini Vaqif Əliyev yubilyarı təbrik edib. Diqqətə çatdırıb ki, Aydın Kazımzadə tükənməz enerji ilə daim çalışır, kino salnaməmizi zənginləşdirir. O, həyatını sevdiyi işə həsr edib və keçdiyi yol şanlı və mənalı bir yoldur: “Hesab edirəm ki, bu yanaşma həm kinomuz, həm də Aydın Kazımzadə ömrü üçün çox uğurlu olub. Keşməkeşli olsa da, çox faydalı bir həyat yaşayıb. O, öz zəhməti ilə qürurlu bir həyat yaşayıb. Apardığı bu tədqiqatlar, məqsədyönlü fəaliyyət onun üçün o qədər də asanlıqla başa gəlməyib. Amma bütün bunlara baxmayaraq, kino tariximizi, bilavasitə kino tədqiqat sahəsini daim zənginləşdirməyə çalışıb. Azərbaycan kinematoqrafçılarının taleyi onun həyatının bir hissəsinə çevrilib. Onlar haqqında yazılan məqalələr, elmi-publisistik yazılar, kitablar, ensiklopediyalar böyük zəhmət hesabına başa gəlib. Bu səbəbdən də demək olar ki, Aydın Kazımzadə xalqımız və dövlətimiz üçün çox böyük işlər görmüş vətənpərvər kino fədaisidir. O, əsl və sözün həqiqi mənasında, ziyalı bir insandır. O, dəyərli bir həyat yaşamış, gözəl pedaqoq kimi fəaliyyət göstərmiş, televiziya sahəsində kinomuzu layiqincə təmsil etmiş və zəngin irsə malik kino xadimidir. Bu zəngin irs isə həm dövlətimizə məxsusdur. Bu irsin zənginləşdirilməsində daim yubilyara dəstək olaraq ona uzun ömür və can sağlığı arzulayıram”.

Tədbirdə “Azərbaycanfilm” kinostudiyanın direktoru, Əməkdar incəsənət xadimi, professor Cəmil Quliyev çıxış edərək yubilyarın Azərbaycan mədəniyyətinə verdiyi töhfələrdən söhbət açıb. Bildirib ki, Azərbaycan kinosunun tədqiqində, müəmmalı səhifələrin araşdırılmasında Aydın Kazımzadənin çox böyük rolu var: “Yubilyarın yaradıcılığının əsas istiqamətini Azərbaycan kinosu ilə bağlı axtarış və tədqiqatlar təşkil edir. Bu axtarışların ən birincisi isə onun araşdırmaları sayəsində Azərbaycan kinosunun gerçək tarixi (2 avqust 1898-ci il) bəlli olub və bu tarix ulu öndər Heydər Əliyevin 2000-ci ildə imzaladığı Sərəncamla “Azərbaycan kinosu günü” kimi qeyd edilir. İkinci əsas tapıntısı “Dəli Kür” filminin kəsilmiş hissəsinin veteran operator Yuri Varnovskinin arxivindən əldə edərək Film Fondumuza təhvil verməsi, həmçinin Azərbaycan cizgi filminin tarixinin dəqiqləşdirilməsidir. Bir sözlə, kino tariximizlə bağlı araşdırmalar Aydın müəllimin həyat kredosudur”.

Yubiley gecəsində Xalq artisti, Teatr Xadimləri İttifaqının sədri Azər Paşa Nemətov, Xalq artisti Rafiq Əzimov, Azərbaycan Respublikası Kinematoqrafçılar İttifaqının sədri, Xalq artisti Şəfiqə Məmmədova, Xalq artisti Həmidə Ömərova, Əməkdar incəsənət xadimi, kinoşünas Ayaz Salayev, Əməkdar artist Elxan Qasımov, kino nəzəriyyəçisi Əlisəftər Hüseynov və başqaları çıxış edərək Aydın Kazımzadənin həyat və fəaliyyətindən, o cümlədən Azərbaycan kinosunun tədqiqində və tarixinin öyrənilməsində müstəsna xidmətlərindən danışıblar.

Sonra yubilyarın yaradıcılıq yolunu əks etdirən videoçarx nümayiş olunub.

Tədbir boyu yubilyarın iştirak etdiyi və müəllifi olduğu televiziya verilişlərindən fraqmentlər, ssenari müəllifi olduğu sənədli filmlərdən kadrlar nümayiş olunub. Yubilyara “Azərbaycanfilm” kinostudiyasının tarixinin öyrənilməsi və təbliğindəki xidmətlərinə görə diplom və hədiyyə, eləcə də Azərbaycan Respublikası Kinematoqrafçılar İttifaqının yubiley hədiyyəsi təqdim edilib.

Tədbirin sonunda yubilyar çıxış edərək yaradıcılığına verilən qiymətə görə Prezidenti İlham Əliyev və Birinci vitse-prezident Mehriban xanım Əliyevaya təşəkkürünü bildirib. Kino tarixinə dair 34 kitab və monoqrafiyanın ərsəyə gəlməsində ona dəstək olan insanlara və yubiley tədbirində iştirak edən bütün qonaqlara və təşkilatçılara dərin minnətdarlığını ifadə edib.

news-inner-user

16534 məqalə

Oxşar xəbərlər

Xəbər lenti

Çingiz Abdullayevin gözə kül üfürməyi – Mirmehdi Ağağoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020
Nərgiz Cəlilovaya yeni vəzifə verildi
16:43 24 Sentyabr 2020
Qəbul imtahanında hönkür-hönkür ağlayan qız
16:01 24 Sentyabr 2020
“Yaş keçəndə yuxular da əzab verir” - Cavanşir Yusifli ilə ad günü söhbəti
15:20 24 Sentyabr 2020
Qarabağ icmasında Şərif Ağayarla görüş keçirilib
14:25 24 Sentyabr 2020
Bu məşhurların övladları ali məktəbə qəbul olundu - Siyahı
14:06 24 Sentyabr 2020
Ebru Gündeşin atası vəfat etdi
13:12 24 Sentyabr 2020
Tələbəsinə evlənmək təklifi etdi, bacısı qızını imtahandan kəsdi, müəllimlər ona salam vermədi – Vurğun Əyyubdan maraqlı faktlar
12:30 24 Sentyabr 2020
Sənə saxladığım duzlu öpüşlər... - Şeir
12:11 24 Sentyabr 2020
Kukla Teatrı "Çəkməli pişik" tamaşasını onlayn nümayiş etdirəcək
11:30 24 Sentyabr 2020
Universitet müəllimimə yazdığım sevgi məktubu
10:52 24 Sentyabr 2020
Məşhur müğənni vəfat etdi
10:27 24 Sentyabr 2020
Gənc şairin ilk kitabı çap olunub
09:42 24 Sentyabr 2020