“Ozan dünyası” jurnalının yeni nömrəsi çıxıb

Sənət

Ana səhifə
Sənət

“Ozan dünyası” jurnalının yeni nömrəsi çıxıb

24 oktyabr 2012

09:41

Azərbaycan Aşıqlar Birliyinin təsis etdiyi “Ozan dünyası” jurnalının növbəti nömrəsi çapdan çıxıb.

AzərTAc xəbər verir ki, jurnalın bu nömrəsində aşıq sənətindən, ayrı-ayrı tanınmış aşıqlardan bəhs edən materiallar, şeirlər yer alıb.
“Aşıq sənəti tarixi missiya daşıyan bir sənətdir” sərlövhəli yazıda Azərbaycan Milli Elmlər Akademiyasının (AMEA) müxbir üzvü, Milli Məclisin mədəniyyət komitəsinin sədri, Əməkdar Elm Xadimi Nizami Cəfərov jurnalın redaktorunun suallarını cavablandırıb.

Aşıq sənətinin tanınmış ustadlarından biri olan Aşıq Kamandar Əfəndiyevin 80 illik yubileyi ərəfəsində aşıq haqqında Birliyin sədri, Xalq Şairi Zəlimxan Yaqubun, mərhum Xalq Şairi Xəlil Rza Ulutürkün, filologiya elmləri doktoru, professor Camal Mustafayevin, AMEA-ın Nizami Gəncəvi adına Ədəbiyyat İnstitutu direktorunun müavini Məhərrəm Qasımlının, təbrizli aşıq Əli Cavadpur İskanlının xatirələri yer alıb.

Jurnalda tanınmış alim, filologiya elmləri doktoru Qəzənfər Paşayevin 75 illik yubileyi ilə əlaqədar qələm dostlarının, tanınmış ziyalıların, idarə və təşkilatların alimə ünvanlanmış təbrikləri, 1961-ci ildə keçirilmiş aşıqların III qurultayının materialları və s. əksini tapıb.

Jurnalın baş redaktoru Musa Nəbioğludur.