“Xocalı-Gədəbəy Mədəniyyətinin maddi İrsi: İlk Kompleks nəşri və təhlili” adlı monoqrafiya çap olunub.
APA-nın məlumatına görə, monoqrafiyanın müəllifi Nuridə Qədirova-Atəşidir.
“Xocalı-Gədəbəy Mədəniyyətinin maddi İrsi: İlk Kompleks nəşri və təhlili” adlı monoqrafiya Milli Azərbaycan Tarixi Muzeyinin Elmı şurasının qərarı ilə “Azpoliqraf” mətbəəsində 1000 tirajla çap olunub.
Əsərə Milli Azərbaycan Tarixi Muzeyinin direktoru Akademik Nailə Vəlixanlı ön söz yazıb.
Monoqrafiyada “Xocalı-Gədəbəy Mədəniyyəti”nin maddi irsi ilk dəfə Milli Azərbaycan Tarixi Muzeyinin kolleksiyalarının kataloqlaşdırılması ilə bərabər Almaniya, Fransa, Avstriya, Rusiya, Gürcüstan və s. ölkələrin muzeylərindən çoxlu kolleksiyalar aşkar edilərək təhlil edilib.
Bütün bu tapıntılar müvafiq tiplər üzrə kataloqlaşdırılıb, onların foto albomu, qrafik təsvirləri və bir çoxunun fotoqrametriyası işlənib, onlar haqqında geniş və dəqiq məlumat verilib. Burada nəinki Azərbaycan, hətta Avropa, dünya elminə məlum olmayan bir çox yeni kolleksiyalar haqqında da ilk dəfə məlumat verilir. Müəyyən edilib ki, Xocalı-Gədəbəy arxeoloji mədəniyyətinin qənaətbəxş olmamasına səbəb Almaniya, Avstriya, Fransa, xüsusilə Rusiya muzeylərindəki kolleksiyaların, arxiv materiallarının və orijinal qazıntı hesabatlarının indiyə qədər müstəqil tədqiqinə icazə verilməməsi olub.
Tədqiqata cəlb edilən həmin kolleksiya nümunələri, sənədlər və hesabatlar da müəllif tərəfindən diqqətlə və tənqidi şəkildə öyrənilib, onların bir çox səciyyəvi xüsusiyyətləri oxuculara təqdim edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər