news-inner
clock13:28 calendar-gray 11 Fevral 2020 view-gray2662 dəfə oxunub
view-gray2662 dəfə oxunub

Elza Seyidcahanı döyənlər və döydürənlər - Günel Musa yazır

Bir neçə il əvvəl Elza Seyidcahan qadına şiddətlə bağlı əhəmiyyətli bir sosial çarxa çəkilmişdi. Qadınlara qarşı şiddətə etiraz edən sənətçi bu gün özü şiddət qurbanı oldu.

54 saylı Şabran-Siyəzən Seçki Dairəsindən deputatlığa namizəd, əməkdar artist Elza Seyidcahanın məntəqə sədrləri tərəfindən döyüldüyü iddia edilir. Müğənninin mediaya verdiyi açıqlama və sosial şəbəkələrdə yayılan ürək ağrıdan kadrlar xəbər saytlarında manşet oldu.

Budur Azərbaycan insanı yenə də öz ampluasındadır. Dünyanın ildən-ilə dəyişdiyi bir dövrdə beynimiz və hadisələrə baxış bucağımız zərrə qədər də olsun dəyişmir. Bu məsələdə də fiziki zorakılıq ön sıradadır.

Hamımızın içimizi çəkərək izlədiyimiz o kadrlar əslində bizə çox da yad deyil. Sənətçi olduğu üçün diqqət çəkən bu zorakılıq hadisəsi məşhur olmayanların başına gələndə bağlı qapı arxasından kənara çıxmır.

Çox adam bilməsə də media nümayəndələri zaman-zaman ən məşhur qadınların belə müxtəlif situasiyalarda əks cinsin nümayəndəsi tərəfindən döyülməsi faktını bilir. Amma çoxu bu döyülmə hadisələrinin üstünü ciddi-cəhdlə örtməyə çalışır. Elza Seyidcahan şiddətə məruz qaldığını insanlara bildirməklə bu ölkədə cəmiyyətin ən məşhur və azad ruhlu qadınlarının belə fiziki zorakılığa məruz qaldığını göstərdi. Sənətçi sübut etdi ki, şöhrət belə qadınları şillə-təpikdən qoruya bilmir.

Tərzi və ifası hər nə qədər mənim zövqümə uyğun olmasa da, Elza Seyidcahan sənət adamıdır. Onun millətin yanında olmaq istəyinə, bizə vəkillik etmək üçün yarışa girən əksər namizədlərdən daha çox inanmışdım. Onun xalqa yaxınlaşması vicdanına qədər məmurlaşan kişilərdən daha saf idi. Müğənninin Vatsap statuslarında paylaşdığı fotolarda insanların üzlərindəki o sevgini sezmək çətin deyildi. Bu qədər insan sevgisi Elza Seyidcahanın səs toplama ehtimallarını gücləndirirdi. Haqlı ikən günahkar olduğumuz cəmiyyətdə Elza Seyidcahan sadəcə növbəti nümunə idi.

Ən acınacaqlısı isə həmin məntəqədə müşahidəçi qismində iştirak edən qadınlar bir vaxt onların haqlarını müdafiə edən həmcinsini qolu zorlu kişinin caynağından xilas etmək üçün heç bir müdaxilə etməyiblər.
Burda daha dəhşətli mənzərə, cəmiyyətin sənətçiyə olan münasibəti deyil, qadının qadına olan laqeyidliyidir. Əlbəttə ki, Elza Seyidcahan bu toplumda döyülən ilk qadın deyil, heç sonuncu da olmayacaq. Qadına qarşı göstərilən bu aqresiya, məğlub olmağı həzm edə bilməmək hikkəsinin başında isə cəhalət dayanır. Biz bu cəhalətlə mübarizəmizi hələ görünür dünyanın sonuna qədər davam etdirməli olacağıq. Ehtiyacımız olan yeganə şey isə - məşhur ya da sıravi fərq etməz - qadına qarşı yönələn şiddətə eyni şəkildə münasibət sərgiləməkdir.

Məsələni aidiyyəti orqanların diqqətinə çatdırana qədər reaksiyalarımız kəskin olmalıdır. Gerisi onsuz da corab söküyü kimi gələcək.

news-inner-user
Günel Musa

116 məqalə

Oxşar xəbərlər

Xəbər lenti

Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021