Sənət

“Qadınım, fahişəm, səni sevirəm…”

“Qadınım, fahişəm, səni sevirəm…”
22 oktyabr 2012
# 07:15
Kulis.az “Məşhurların məktubları” silsiləsindən sizə daha üç yazıçının məktublarını təqdim edir:

Oskar Uayldın Lord Alfred Duqlasa məktubu, 1893-сü il

“Əzizim,
Yazdığın sonet çox yaxşıdır və necə böyük möcüzədir ki, sənin qızılgül qırmızısı dodaqların təkcə musiqinin çılğınlığı üçün deyil, öpüşün də çılğınlığı üçün yaradılıb. İncə və zərif ruhun ehtiras və şeir arasında gəzişir. Qədim Yunanıstandakı Hiyakinfus - Apollonun dəlicəsinə sevdiyi o insan sən olmusan, bilirəm. Niyə Londonda təksən və Soulzberiyə nə vaxt gedirsən? Get ora və gotik boz alatoranda əllərini sərinlət və nə vaxt ürəyin istəsə, gəl bura. Bura çox gözəl yerdir, bircə sən yoxsan; amma Soulzberiye mütləq get.
Heç vaxt ölməyəcək sevgimlə,
Sənin Oskarın”.

Qeyd: Bu məktub Uayldın məhkəməsində dəlil kimi istifadə olunan mətnlərdən biri olub.

Ernest Heminqueyin Meri Uelşə (dördüncü arvadı), 1945-ci il

“Dəcəlim,
İndi Paxte, Don Andres və Qreqorini də götürüb gəmiyə minəcəyəm, bütün günü dənizdə olacağam, sonra məktublar, ya da ən azı bir məktub gəldiyi ümidiylə evə qayıdacağam. Bəlkə də belə olacaq: geri qayıdanda məktub görməsəm, qanım it qanına dönəcək. Amma sən bilirsən, mən necə öhdəsindən gələcəyəm bunun, elə deyil? Səhərə qədər ümidimi üzməyəcəyəm.
Mənə mütləq yaz, Dəcəlim. Sənsizlik cəhənnəm kimidir, çalışıram həmişəki kimi yaşayım, amma az qalır, sənin həsrətindən ölüm. Sənə bir şey olsa, Zooparkda dişisini itirən heyvan kimi mən də ölərəm.
Mənim sevimli Marim, bil ki, səbirsiz deyiləm, sadəcə çarəsizəm.
Ernestin”.

Çarlz Bukovskinin Linda Kinqə məktubu, 1972-ci il

“Səninlə əl-ələ tutub gəzməyi sevirəm; bu içimi cəhənnəm alovundan da çox yandırır… sən yeni şeirlər, yeni sevinc, yeni ümid, yeni vərdişsən, səni sevirəm…sənin pişik tükü kimi zərif saçlarını barmaqlarımda hiss edirəm…başını çevirib dilini dodaqlarımla dişləyəcəyəm, dilimlə...biz Burbankda olanda sənə vuruldum, stimulum, qadınım, fahişəm, səni sevirəm…
Səni istəyirəm,
Səni istəyirəm,
SƏNİ istəyirəm,
SƏNİ SƏNİ SƏNİ…”

Hazırladı: Rena NEVZAT

Mənbə: “Huffington Post”
# 2833 dəfə oxunub

Oxşar xəbərlər

Son çörək və son şərab - Məşhur rəssamın əsərindəki sirr

Son çörək və son şərab - Məşhur rəssamın əsərindəki sirr

18:40 21 oktyabr 2026
Dost, yoxsa düşmən? – Kurt Kobeyn "Necə varsansa, elə gəl" deyərkən kimə müraciət edirdi?

Dost, yoxsa düşmən? – Kurt Kobeyn "Necə varsansa, elə gəl" deyərkən kimə müraciət edirdi?

16:00 21 oktyabr 2026
"Qal, sənə qurban" xalq mahnısıdır, yoxsa... - TARİXÇƏ

"Qal, sənə qurban" xalq mahnısıdır, yoxsa... - TARİXÇƏ

17:00 20 oktyabr 2026
Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri

Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri

18:40 19 oktyabr 2026
"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?

"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?

14:00 19 oktyabr 2026
“Sən məni öldürdün, Aydın” - Vaqif İbrahimoğlu hansı yazının vəfatından sonra dərc olunmasını istəmişdi?

“Sən məni öldürdün, Aydın” - Vaqif İbrahimoğlu hansı yazının vəfatından sonra dərc olunmasını istəmişdi?

14:00 18 oktyabr 2026
#
#
Ana səhifə Reels Yazarlar Xəbərlər