Fahişəxana futbol klubuna yardım etdi

Sənət

Ana səhifə
Sənət

Fahişəxana futbol klubuna yardım etdi

19 oktyabr 2012

14:30

Yunanıstandakı iqtisadi böhran futbola da öz təsirini göstərib. Kulis.az-ın milliyet.com.tr-yə istinadən verdiyi məlumata görə, Yunanıstanın “Voukefalas” həvəskar futbol klubu formasına iki pritonun - “Villa Erotica” və “Soulas House of History” adını daşıyan reklamlar yerləşdirib.

Tələbə, yazıçı və barmenlərin oynadığı klub müqavilə əsasında geydikləri formanın da rəngini dəyişib. Belə ki, futbolçular meydana çəhrayı rəngli köynəklərdə çıxıblar. Yunanıstan Həvəskar Futbol Federasiyası isə bu hərəkətin uşaqlar üçün zərərli olduğunu və idmanın bu cür məsələlərə alət edilməyəcəyini bildirərək çəhrayı formaları geyinməyə qadağa qoyub.

Pritonlardan birinin sahibi Soula Alevridounun qadağaya münasibəti belə olub: “Yunanıstan mədəni və təhsilli bir ölkədir. Əgər biz ziyalılara və idmançılara yardım etməsək bəs kim edəcək?”

Dörd oyundur 1-0 hesabı ilə məğlub olan klubun hər oyununu izləyən və məyus olan Alevridou, futbolçuların qarşıdakı oyunlarda qələbə qazanacağı təqdirdə onlara maraqlı gecə yaşadacağına söz verib.

Klub prezidenti Yannis Batziolas isə çətin vəziyyətdə, maddi dəstəyə ehtiyacları olduqlarını etiraf edib: “Təəssüflər olsun ki, böyük iqtisadi böhran yaşayırıq. Buna görə də hər cür maddi dəstəyi qəbul etmək məcburiyyətindəyik”.

Hazırladı: Fərid