news-inner
clock16:49 calendar-gray 22 Yanvar 2020 view-gray1449 dəfə oxunub
view-gray1449 dəfə oxunub

Eşitmişəm eşqə düşmüsən? - Səmayənin özüylə müsahibəsi

Kulis.az Səmayə Bayramovanın “Özümlə müsahibə” yazısını təqdim edir.

- Salam, necəsən köhnə dost?

- Salam. Sən nə vaxt gəldin?

- Elə indi

- Buyur, nə lazımdı sənə?

- Adam dostunu belə qarşılayar? Hal-əhval tutmaz?

- Mən ki, sənə dost demədim! Həvəsim yoxdu sənlə danışmağa. Nə istəyirsən de, get.

- Uzun zamandı görüşmürük, danışmırıq. Səndən müsahibə almağa gəlmişəm.

- Ha-ha-ha! Müsahibə? Məndən? Məndən niyə? Sən nə vaxt jurnalist olmusan?

- Jurnalist deyiləm e, jurnalistlərin içində işləyirəm.

- Sən allah?! Nə vaxtdan? Axırıncı dəfə biz sənlə ayrılanda bəs müəllim idin?

- Əşşi bilirsən də hər şeyi. Atdım onu, başını buraxdım. Səbəbini də bilirsən... Özü də elə bil mən sənlə müsahibə etmək üçün gəlmişəm, sən məni sorğu-sual edirsən.

- Yaxşı day özündən çıxma. Yarana toxunmayım, sən də məni qurdalama get başımdan.

- Bax, sən danışmaq istəyirsən, mən isə yazmaq. Gəl razılaş...

- Kim dedi, danışmaq istəyirəm?! Mən sənə elə söz dedim?

- Deməsən də hiss edirəm. Danışmağa razı olmasan əl çəkməyəcəm. Həm danış bir az rahatla. Ağ adam az qala qaralmısan fikirdən!

- Sən də deyəsən yazmamaqdan qaralmısan. Gərək elə mütləq yazasan? Yazma da!

- Yox, Sən ki, məni tanıyırsan. Bu bir ehtiyacdı. Artıq 8 aydı klaviaturaya yazmaq üçün toxunmamışam. Elə bil, öyrəşmişəm. Yük hiss edirəm özümdə.

- Yaxşı! Görürəm əl çəkməyəcəksən. Ver suallarını amma qısa olsun.

- Əla! İlk sualım. Biz səninlə eyniyik, amma sən görürsən də məni həmişə şən və pozitivəm. Bəs sən niyə belə qaraqabaq olursan? Səni ən yaxın adamıma da təqdim etmirəm, qaramat yağır səndən. Ən xoşbəxt anında belə üzgün olursan.

- Birincisi bu, qaramat deyil, realistlikdi. İkincisi, mən sənin kimi ola bilmirəm. Xəyallar yorucudu. Bax, məsələn, sənin xəyalların olmasaydı, biz indi Bakıda olmazdıq. “İş quracam, iş quracam” deyib gəldin, Bakıya ortada da bir şey yox. Adi işçidən savayı bir şey deyilsən. Halbuki indi rayonda rahat müəllimliyini edə-edə geniş evdə, təmiz havada, stressiz həyat yaşayacaqdın. Gəlmisən Bakıya, məni də, özünü də rahatlıq iraq salmısan.

- Yorulmadın şikayətlənməkdən? Yaxşı, de görüm dərdin nədi? Nəyin dərdini çəkirsən? Bəlkə psixoloji problemlərin var?

-
Bilirsən, ümumi götürəndə, elə bir dərdim yoxdu. Dərdim yoxdu deyəndə ki, həyat onsuz da insanlara həmişə daşımağa yük verir. Yükünü qəbul edib daşıyanda o yük sənə yük kimi görünmür. Mən də qəbullanıb yaşayıram və yük kimi yanaşmıram həyatımdakı heç nəyə. Dərd çəkməyə gəlincə, mən ətrafın, cəmiyyətin dərdini çəkirəm. Əslində, onların da dərdini çəkmirəm. Danışa bilməməyin dərdini çəkirəm.

- Danış da! Sənə kim mane olur ki?!

- Mən danışsam, guya sən yayımlayacaqsan ki? Heç sən də yayımlamayacaqsan! Necə danışım? Kimə danışım? Hara danışım? Niyə danışım? Ümumiyyətlə, mənim danışmağım nə dərəcədə vacib və lazımdı? Nəyi düzəldəcək? Bu sualların hamısına mənfi cavablarım olduğu üçün necə deyərlər, “Susmaq lüks”ünü seçirəm.

- Gələcəyə dair planın nədir?

- Elə bir planım yoxdur. Sən imkan versən, sakit, huzurlu həyat istəyirəm. Uzağı özümü inkişaf etdirmək üçün dil bilgisinə yiyələnərəm...

- Yaxşı, görürəm səndən söz ala bilməyəcəm. Bir şey qaralamaq üçün axırıncı sualı da verim, sağollaşaq. Çox sual hazırlamışdım, amma auran məni də bürüdü, səndən qurtulmaq qərarına gəldim.

- Əla! Mən də sıxıldım sözün düzü! Axırıncı dəfə olsun!

- Aldığım məlumata görə, aşiq olmusan. De görüm, sevgi nədi? Eşq nədi sənin üçün, ümumiyyətlə?

- Ətin tökülsün! Aldığı məlumata görə e! Sən jurnalistlərin içində necə demişdin, işləyə-işləyə jurnalistlər kimi danışmağa başlamısan. Qaldı, sevgiyə və eşqə, onlar da digər hisslər kimidir. Şəxsi mövzuya gəlincə, ay belə sevirəm, elə sevirəm, nə bilim çiçək kimi, böcək kimi sevirəm deyə bilmərəm. Ümumiyyətlə, insanlar necə belə dərin və gözəl mövzuda bu qədər rahat danışa bilirlər anlamıram. Mən bu gözəlliyi danışmaqdan çox yaşamağı seçirəm. Bəs eləyir?

- Eləyir.

- O zaman sağlıqla qal!

news-inner-user

15788 məqalə

Oxşar xəbərlər

Xəbər lenti

İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Mikayıl Müşfiq qadına görə öldürülüb - İddia
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır - Qorxaz Quliyev yazır...
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020
Kuklada uşaqlar üçün tamaşa
15:37 08 İyul 2020
Məşhur rəssamın əsəri tapılıb
14:59 08 İyul 2020
Azərbaycanda orkestr rəhbəri həbs edildi
14:18 08 İyul 2020
Xəsil adam - İlham Əzizdən yeni hekayə
14:10 08 İyul 2020