Bakı Uşaq Teatrının rəhbəri İntiqam Soltan Türkiyəyə tamaşa hazırlamaq üçün dəvət olunub. Onun Kulis.az-a verdiyi məlumata görə Türkiyənin Sinob şəhərində fəaliyyət göstərən “EK sanat” teatrında iki tamaşa hazırlayacaq: “Hələlik hansı tamaşalar olduğunu özüm də bilmirəm, orda birgə məsləhətləşmələr əsasında buna qərar verəcəyik. Razılığa gəlmişik ki, Bakı Uşaq Teatrı ilə “EK sanat” teatrı arasında yaradıcılıq əlaqələri quraq, hazırlayacağım tamaşalar həm Uşaq teatrında, həm də “EK sanat” teatrında səhnəyə çıxarılsın”.
Rejissor-aktyor Qurban bayramı günlərində artıq həmin teatrda məsləhətləşmələr aparacaq.
İntiqam Soltan onu da bildirdi ki, Türkiyə teatrında quracağı tamaşaya Bakı Uşaq Teatrından da aktyorlar dəvət edəcək. Qarşıdakı illərdə isə həmin teatrın aktyorları Bakı Uşaq Teatrının tamaşalarında oynayacaqlar: “Bunun hər iki teatr üçün yaxşı nəticələr verəcəyinə inanıram, çünki həm onların, həm bizim bir-birimizdən bilmədiklərimizi öyrənmək imkanımız olacaq. Bizim teatrın belə təcrübəsi var, türkiyəli aktyor bizim teatrın tamaşasında oynayıb. Bir dəfə hətta almaniyalı aktyor bizim teatrın tamaşasında rol alıb”.
İntiqam Soltan Türkiyədə bir telelayihə də həyata keçirmək fikrindədir. Deyir ki, bu layihə özfəaliyyət kollektivləri ilə bağlıdır: “Belə bir layihəni burda keçirmək istəyirdim, amma cəhd elədim, maraq göstərmədilər. Düşünürəm bunu Türkiyədə reallaşdırmaq daha əlverişlidir”.
İntiqam Soltan Bakı Uşaq Teatrının bina problemindən də danışdı: “Türkiyə teatrı ilə yaradıcılıq mübadiləsi çox yaxşıdır, amma binamız yararsız vəziyyətdə olduğundan orda qonaq qarşılamağa utanıram. Köhnə bir mədəniyyət evində yerləşdirilmişik, bizdən başqa orda bir neçə təşkilat var. Heç məşqlərimizi eləməyə künc tapmırıq. Söz veriblər ki, bu problem yaxın zamanlarda həll olunacaq ”.
Ramilə QURBANLI
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
50 mindən çox əsər yaratdı, kommunistlərə qoşuldu, şeir yazdı... - XX əsrin dahi rəssamı haqqında maraqlı faktlar
16:00
8 aprel 2026
"Elşadın baxışları naməlum bir günahın astanasına aparır..." - Hüseynbala Mirələmovun "Əsmər" romanından bir hissə
14:10
7 aprel 2026
Uşaqlıqda cinsi zorakılıqla üzləşdi, əsərləri qadağan edildi... - Prezidentin andiçmə mərasimində şeir oxuyan ilk afroamerikalı qadın yazıçı
15:00
5 aprel 2026
"Sən demə, ata öz arvadı ilə yenidən nikah bağlamaq üçün..." - Professor "Lal ev"dən yazdı
12:00
5 aprel 2026
"Səni sevmək başqa birinə sillə vurmaqdı" - İlham Qəhrəmanın şeirləri
15:00
4 aprel 2026
"Hökmdə ağamsan, darda kənizim..." - Əfsanə Rəvanın yeni şeirləri
17:00
3 aprel 2026
