news-inner
clock09:43 calendar-gray 16 Yanvar 2020 view-gray139 dəfə oxunub
view-gray139 dəfə oxunub

Ankarada Nəsimi ili bağlandı

Böyük Azərbaycan şairi İmadəddin Nəsiminin anadan olmasının 650 illiyi münasibətilə Ankara şəhərində yekun mərasim keçirilib.

Beynəlxalq Türk Mədəniyyəti Təşkilatı (TÜRKSOY), Azərbaycan və Türkiyənin Mədəniyyət nazirlikləri və ölkəmizin Ankaradakı səfirliyi tərəfindən təşkil edilən mərasim “Nəsimi-2019” ilinin bağlanışına, eləcə də görkəmli kinorejissor, ssenarist Həsən Seyidbəylinin 100 illik yubileyinə həsr olunub.

Mərasimdə rəsmi şəxslər, elm və mədəniyyət xadimləri, QHT və KİV təmsilçiləri, nəsimisevərlər iştirak ediblər. Görkəmli kinorejissor Həsən Seyidbəylinin film yaradıcılığını əks etdirən fotosərgi nümayiş olunub. TÜRKSOY tərəfindən 15 dildə nəşr olunan “Nəsimi” kitabının təqdimatından sonra “Nəsimi” filmi göstərilib.

Qeyd edək ki, Prezident İlham Əliyevin məlum sərəncamı əsasında 2019-cu ilin Nəsimi ili elan edilməsi münasibətilə Türkiyənin ayrı-ayrı şəhərlərində çoxsaylı mərasimlər, kitab təqdimatları, o cümlədən tamaşalar göstərilib.

news-inner-user

14397 məqalə

Oxşar xəbərlər