Kulis.az Gülsadə İbrahimlinin şeirlərini təqdim edir.

Rep

Fırtınaları içimdə qopub dənizin,
Dalğalarına qadınlığımı tapşıracam.
Bu gecə içmək istəyirəm fahişələşmiş əllərimin ölümünə.
Sağ çıxmayacağıq bu savaşdan...
Bir bar masasında qusacam yoxluğunun mədə bulandırıcı zəhərini üzünə.
Rəngi qaçacaq sifətimin,
Bir siqaret yandırıb, tüstüsündə gizlədəcəm ölümümü.
Bir qadın öləcək- əlləri günahkar, ayaqları ədəbsiz,
Dodaqları ucuz...
Bir qadın öləcək- gözləri qonur, ürəyi kişi, sevgisi səmavi.
Sənsə... hansısa axmağın yatağını isidəcəksən bəsit orqazm xətrinə.
Rəzil bir təkliyin ölümlüsüsən ancaq.
Gecənin yaxasını söküb
Beyninə batacaq TALADRO... yırğalanacaq sərxoş ruhum;
“...küçük hesaplar peşinde tüm bildiklerim...”
Bir qol dolanacaq belimə... bir göz arsızlığıyla soyunduracaq ruhumu.

Qış təkliyi

Ağaclar qışdan üşüyür, mən yoxluğundan.
Yazın son günləri düşür pəncərəmin gözündən
Sarı-sarı vərəqlərdə.
Evimdə son bahar, yatağımda bir nəfəslik tənhalıq.
Külək qudurmuş it kimi küçələri yalayır.
gecənin qoynuna qısılıb gecə lampaları.
Yatağını yaran çay kimiyəm, içimi qazıram.
Soyuq noyabr axşamı... formasına sığınıb gözətçi polis...
Gecənin yükünü alıb çiyinlərinə.
Körpələr qış nağıllarına aldanıb ana qucaqlarında...
Və mən sənə öz nağılımı yazıram:”Bu gün də gəlmədi...

Son şansımızdık

Aşkdan zefk almak için son şansımızdık.
Ruhumuza dokunamazken kimse ,
tenimizde islah oluyordu tutkularımız.
Sana kadar kaç günah işledim ,
kaç ölümlünün cennet arzusuydum..
Bana kadar kaç kadının pişmanlığıydın, bilemem.
Fahişe edasıyla üstümüze yürürken gerçeklerimiz,
aşkdan kaçamayız.
İçimizde soytarı müstakilliyi,
şimdi yasakları bozma zamanı!
Tut ellerimden, ruhumun uçurum kenarındayken.
Koynunda uslandır hırçınlıklarımı.
Bakir yalnızlıkların ölümünü kutlayalım tüm Azizler adına,
kadehler kaldırıb güneşin şerefine !!!

Şokolad

Hələ də

şokalad dadırsan dodaqlarımda...

Eyni ayrılığın frekansı

Gedənlər bilirmi geridə qalanların hər nəfəsdə öldüyünü?
Eyni ayrılığın frekansında
daha neçə mahnıyla asacayıq xəyallarımızı?
Ən son öpdüyün yedən ağrıyıram,
Hər dəfə əllərim toxunanda çiyinlərimə.

• Düşmənə hörmət, aliləşdirilən gündəlik həyat tablolarda... - Dieqo Velaskesin məşhur əsərləri
• Fransız dilində yazan rumın yazıçı - Ona niyə "Balkan ədəbiyyatının Qorkisi" deyirdilər?
• Məşhur flamenko ustası vəfat etdi