Mədəniyyət və Turizm Nazirliyinin qərarı ilə Azərbaycan Dövlət Gənc Tamaşaçılar Teatrında (ADGTT) Əməkdar İncəsənət Xadimi, ilk azərbaycanlı peşəkar qadın teatr rejissoru Ulduz Əliyeva-Rəfilinin anadan olmasının 90 illik yubileyinə həsr edilmiş xatirə gecəsi keçirilib.
Bakı Şəhər Mədəniyyət və Turizm İdarəsindən AzərTAc-a bildiriblər ki, tədbirdə Azərbaycan Yazıçılar Birliyinin sədri, Xalq Yazıçısı Anar və rejissor, Xalq Artisti Cənnət Səlimova milli teatr sənətinin formalaşmasında və inkişaf etdirilməsində Ulduz Əliyevanın əvəzsiz xidmətlərindən, onun genişmiqyaslı rejissorluq fəaliyyətindən, mənalı həyat yolu və maraqlı yaradıcılıq tarixçəsindən danışıblar.
Xalq artistləri Tariyel Qasımov, Yasin Qarayev, Əməkdar Artist Lətifə Əliyeva, aktyorlar Almaz Mustafayeva, Sona Babayeva sənətkar haqqında xatirələrini bölüşüblər.
Tədbirdə vaxtilə Ulduz Əliyevanın Dövlət Gənc Tamaşaçılar Teatrında quruluş verdiyi “Kiçik faciələr” (A.S.Puşkin) “Şirinbala bal yığır” (S.Qədirzadə), “Mənim nəğməkar bibim” (Ə.Əylisli), “Qaraca qız” (Süleyman Sani Axundov) tamaşalarından parçalar nümayiş etdirilib, “Təbəssüm” uşaq rəqs kollektivi, Əməkdar Artist Nərgiz Kərimova, Ulduz Əliyeva-Rəfilinin opera studiyasında tələbəsi olmuş müğənni İntiqam Kərimovun, Dövlət Musiqili Komediya Teatrının solisti Elvin Əliyevin, ADGTT-nın aktyoru İlham Əsədovun ifaları maraqla qarşılanıb.
1952-ci ilin sentyabr ayından Azərbaycan Dövlət Gənc Tamaşaçılar Teatrında rejissor vəzifəsində fəaliyyətə başlayan U.Əliyeva baş rejissor vəzifəsinə qədər yüksəlib. Bu illər ərzində o, 50-dən artıq tamaşaya quruluş verilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Ağacdan asılan cəsədlər "Əsrin mahnısı"na necə çevrildi? – Tükürpərdici hekayə
18:45
24 iyul 2026
Erotik əsərlər, Nobel və zəlzələ - Yaponiyanın ən qalmaqallı yazıçısı haqqında
14:30
24 iyul 2026
Hitlerin qadağan etdiyi mahnı: Alman və ingilis əsgərləri eyni vaxtda onu dinləyirdi
18:40
23 iyul 2026
"Yol ayrıcında cəngavər", "Yeraltı dünyanın üç şahzadəsi", "Uçan xalça" - Məşhur rəssamın ən yaxşı 10 əsəri
17:00
23 iyul 2026
Hiçkokun "Psixo"suna ilham verən kimsəsiz evin müəllifi - Məşhur rejissorların ilham mənbəyi olan rəssam kim idi?
17:00
22 iyul 2026
Vağzal oğrusu necə Moskvanın ən çox oxunan yazıçısı oldu? - Rusiyanı fəth edən azərbaycanlı haqqında
12:00
21 iyul 2026
