writer1

Oğuz Ayvaz

Məqalə sayı

210
clock12:53 calendar-gray 10 Yanvar 2020 view-gray1891 dəfə oxunub
view-gray1891 dəfə oxunub

Mənim sevimli Trampım

Trampı ilk dəfə “Evdə tək” filmində görmüşdük. Nə bilərdik ki, epizodik rolda gördüyümüz bu aktyor günün birində Amerikanın prezidenti olacaq.

Zaman belə zamandı, bir gün hər şey tərs üzünə çevirir və sən də mat-məəttəl qalırsan. Tramp seçiləndə də hamımız o cür olduq.

Narıncı çalarlı, havalı saçları ilə tribunadan dünyaya hədə-qorxu gələn bu adam hazır ədəbi personajdır. Onu hərdən bizim Hadı Rəcəbliyə də bənzədirəm. Ciddi sözümdür. Trampla Hadının bir-birinə bənzəyən cəhətləri odur ki, onlar dünyaya trollanmağa gəliblər. Sadəcə bir fərq var. Hadı bizim balaca cəmiyyəti ələ salır, Tramp isə bu boyda dünyanı barmağına dolayır.

Tramp əsas qərarlarını “Twitter”dən verir. Dünyanı sosial şəbəkə ilə idarə edən prezident...

Bu günlərdə İran generalı Qasım Süleymaninin öldürülməsi Amerika və İranı üz-göz elədi. Hətta mənə elə gəldi ki, Tramp “Twitter” hesabından bunları yazacaq: “III Dünya Müharibəsini başladıram”. Evdə çörək almaq üçün tazı kimi qaçmağa hazır vəziyyətdə gözləyirdim. Amma Tramp əfəndinin statusu başqa cürə oldu. Açıq şəkildə, kimsədən qorxmadan yazdı ki, “Qasımı mən öldürmüşəm. O, açıq-aydın və ya qismən milyonlarla insanın, o cümlədən İrandakı etirazçıların həlak olmasında təqsirkar idi”.

Tramp bu cür qeyri-adi açıqlamaları ilə bizim yazıçı dostlarımızı xatırladır. Elə bil gündəmdə qalmaq üçün hər şeyi deməyə hazır dayanıb. Yaxşı olardı ki, Tramp prezidentliyin başını buraxıb yazı-pozuya qurşansın. Kim bilir, bəlkə də Stiven Kinq kimi populyar romanların müəllifinə çevrilər, kitabları əl-əl satılar.

Amma deyəsən, “Harri Potter”in yazarı demişdi ki, Tramp ingilis dilində cümlə qura bilmir. Gör e, onlarda da “cümlə qurmaq” söhbəti dəbdədir. Yaxşı yadımda deyil, amma xanım yazar Trampın qüsurlu cümləsini tənqid edib narıncı saçlı dostumuzu yaş yuyub quru sərmişdi.

Trampın isə heç vecinə deyil. Bəlkə də Amerikada onu lağa qoymaq, tənqid etmək dəb halını alıb. Hansı aktyora mikrofon uzadırsan, başlayır Trampa döşəməyə. Necə deyərlər, fağır bir Tramp tapmısınız, sağdan da döşəyirsiniz, soldan da...

Başqa bir təklifim də var Trampa: təzədən kino sahəsinə geri qayıtsın. Axı ərgən vaxtlarında kino məktəbində oxumaq istəyirdi. Hollivud filmlərində uşaqları, kütləni güldürən bir aktyor olaraq dünyaya daha faydalı ola bilər.

Belə baxanda Tramp postmodern klondur da. Klonun ən üst zirvəsindədir. Bəşəriyyəti barmağına dolayan kloun. Kimi istəsə, haranı ürəyi arzulasa oranı bombalayar, sözünü də deyər. Bir dəfə yazıçı dostlarımızdan biri Tramp haqda dahiyanə bir söz dedi: “O, Amerika prezidenti seçiləndən sonra dünyada heç bir şeyə ciddi baxmıram.”

Hərdən qorxuram ki, Tramp status yaza ki, yer üzünü “delete” edirəm. Bu narıncı başdan nə desən çıxar.

Nədənsə Trampa nifrət edə bilmirəm. Ona görə onun haqqında ölüm xəyalları qura bilmirəm. Sevdiyim rejissorlardan Cim Carmuş “Ölülər ölmür” filmində Tramp hakimiyyətini kəskin tənqid edir. Zombiləşən Amerika xalqının baiskarlarının əsas günahkarı kimi Trampı ifşa edir.

Tramp isə sağ-salamatdır və hələ də bu yazını bitirə-bitirə düşünürəm ki, görəsən indi hansı qeyri-adi açıqlaması ilə dünyanı şoka salacaq.

REKLAM

Yazarın digər yazıları

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021