writer1

Şəhriyar del Gerani

Məqalə sayı

67
clock06:46 calendar-gray 07 Yanvar 2020 view-gray1669 dəfə oxunub
view-gray1669 dəfə oxunub

Adam ömürdən utanır


Bu gün Azərbaycan poeziyasının ən gənc əfsanəvi siması Mikayıl Müşfiqin anım günüdür. Heç yadımdan çıxmaz, Müşfiqin yaşını ötəndə utanmışam ömürdən.

Bəli, adam ömürdən də utana bilir. Müşfiqi hələ də qısqananlar tapılır. Əlbət, şair həmişə qısqanılmalıdır həm də. O, büsbütün işığıyla, nəğməsiylə, hətta yaraşığıyla da dipdiridir, hələ də ədəbiyyat çayxanalarında onun arxasıyca danışırlar, qadınların onu niyə sevməsindən gap edirlər. Deməli, öz mistik enerjisiylə hələ də aramızdadır. Azərbaycan şairlərinə sevilməyi, arxasıyca danışılmağı öyrədən yeganə şairdir o.

Onunla eyni dövrdə yaşamaq istəmişəm hərdaim. Uzun-uzadı gecələri dayanmadan əzbərə şeirlər demək, mübahisələr etmək istəmişəm. Eyni dövrdə yaşasaydıq, mütləq dost olardıq deyə düşünmüşəm. Amma o, indi də mənim dostumdur. Çox yəqin, o da məni özünə dost hesab edər. Şair yalnız öz nəğməsiylə, özünün nəğməsiylə yenidir, öz intonasiyası, özünün dili ilə gerçək şairdir.

Sevilən şairlərin hamısının öz nəğməsi var. Bu, mütləq belədir. Öz nəğməsi olmayan şairləri sevilən görmədim heç. Məni ən çox alıb götürən nəğmələrdən biri də Müşfiqindir. O, azərbaycancadan daha çox, müşfiqcə yazıb şeirlərini. "Bir misra"nın səltənəti müstəvisində mənə ən cazib görünən şairlərdən biridir Müşfiq. Söhbətə baxın:

"Gümüş topuğunda xal, sənə qurban..."

Və ya:

"Vay o qəlbə ki, boşdur..."

Yaxud:

"Ana dedim, bir ürpəriş hasil oldu canımda..."

Və:

"Asılaydı sözlərim
könlünün qulağından bir qızıl tana kimi,
günəş doğana kimi..."

Və də:

"Gözlərin misaldır axan çaylardan..."

Ya da:

"Şəklindəki sulara baxaraq ləzzət almaq..."

Ən adi sözləri yanaşı düzüb bundan ötə nə etmək olar axı bir misrada? Sadəcə, möhtəşəmdir. Başqa, heç nə.

"Gözlərin misaldır axan çaylardan" misrasını başqa necə yazmaq olar axı? Axı bu, azərbaycanca deyil, azərbaycancadan daha artıqdır. Bir dil özündən daha artıq belə ola bilər yalnız.

Xülasə, alnında güllə yeriylə doğulan mübarək dost, Allah ruhunu şad etsin. Sən bizə gerçək şair xarakteri miras qoyub həm də vaxtında ölə bilməyi öyrətmisən. Şair gərək vaxtında ölməyi də bacarsın. Yoxsa, elə şair demiş, "... sən də indi hər kəs kimisən" olub gedir. Yaşın sayı ömürdən artıq çıxdıqca, şairin də əməlli-başlı zayı çıxır. Yerlə çarpışan, göylə əlləşən dostlar da yavaş-yavaş ağıllaşıb bir-iki dəfə ölürlər, sonra, daha heç vaxt ölmürlər.

Xoşladığım bir gecə, yerlər, göylər işıqlı,
Ay bir sərxoş göz kimi, ulduzlar yaraşıqlı.
Bunları seyr edərkən
bir az fikrə gedərkən
fikrim, hissim, xəyalım o qədər yüksəldi ki...
Mənə öylə gəldi ki,
bizlərdən əvvəl nə yer, nə göy, nə həyat olmuş,
nə bu ucsuz-bucaqsız gözəl kainat olmuş...

Nə dayanmaq vaxtıdır, gözəl dostum, sən də gəl!
Seyr edəlim qol-qola bu zümrüd çəməndə, gəl...

Ruhundan öpürəm, ey əziz.

06.01.2020

REKLAM

Yazarın digər yazıları

Xəbər lenti

İki dəfə oğlu ilə sürgün olundu, ac qalmamaq üçün şahın qızıl saatını satdı, oxuya-oxuya öldü – Əməkdar artistin dram dolu həyatı
14:41 01 Mart 2021
Azərbaycanda yeni muzeyin açılışı oldu - Dünyada ilk dəfə
13:54 01 Mart 2021
Azərbaycan-Türkiyə Mədəniyyət üzrə Birgə Komissiyanın iclası keçirildi
13:06 01 Mart 2021
Gözəlliyinə görə vəzifəyə gedən qadınlar
12:17 01 Mart 2021
Sosial şəbəkələrdəki duyğu mazoxistləri
11:45 01 Mart 2021
"Qızıl Qlobus"un sahibləri bəlli oldu - Fotolar
11:20 01 Mart 2021
Azərbaycanlı yazıçı anasından roman yazdı
11:06 01 Mart 2021
Mədəniyyət naziri Türkiyəyə gedib
09:59 01 Mart 2021
Ürək cərrahı Rəşad Mahmudov: “Şairlərin ürəyi fərqli deyil” – Müsahibə
09:00 01 Mart 2021
Həkimlərin əməliyyat masasında qoyub qaçdığı Nəzakət Məmmədova: Əri onu hər gün döyürdü
12:37 28 Fevral 2021
Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021
Özünü efirə satmaq istəyən Xatirə İslam
12:30 27 Fevral 2021
Yazıçımızın Fransada romanı çıxdı
11:29 27 Fevral 2021
"Washington Post" Azərbaycan mətbəxindən yazdı
10:32 27 Fevral 2021
Cəfər Cabbarlı bu filmdə nəyə etiraz edirdi? – “Sevil”in kadrarxası
09:00 27 Fevral 2021
Çağırdım bir qadını qızlıq familyasıyla - Akif Əhmədgildən şeirlər
21:00 26 Fevral 2021
Rübabə Muradovanın qızı vəfat etdi
18:12 26 Fevral 2021