Yazıçı Aleksandr Soljenitsının ilk dəfə 1969-cu ildə Nobel mükafatına namizəd olduğu üzə çıxıb.
Kulis.az Tass-a istinadən xəbər verir ki, bu fakt İsveç Akademiyası tərəfindən indiyənə qədər açıqlanmayan sənədlərin ortaya çıxarılması ilə öz təsdiqini tapıb.
Məlumatda bildirilir ki, namizədlərin siyahıları 50 il gizli saxlanılıb. Ortaya çıxan sənədlərə görə, Soljenitsın namizədliyi Kaliforniya Universitetinin professorları Berkeley, Cakob Malkiel və Denzel tərəfindən irəli sürülüb.
Nobel Komitəsi Soljenitsın əsərini yüksək qiymətləndirib və onun romanının son illərin Avropa ədəbiyyatında baş verən ədəbi hadisələrdən biri olduğunu bildirib.
Qeyd edək ki, 1970-ci ildə Alexandr Soljenitsın ədəbiyyat sahəsində Nobel mükafatına böyük rus ədəbiyyatının ənənəsindən qaynaqlanan mənəvi gücə görə layiq görülüb. 1974-cü ildə ölkədən qovularaq vətəndaşlıqdan məhrum edilən yazıçı yalnız 20 il sonra vətəninə qayıda bilib. Yazıçı 2008-ci ildə 89 yaşında vəfat edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər