news-inner
clock16:49 calendar-gray 26 Dekabr 2019 view-gray2409 dəfə oxunub
view-gray2409 dəfə oxunub

Üşüyən şəklimi əlinlə oxşa - Şeirlər

Toğrul Bəylər

Getdi

Məni ovsunladı sirli baxışlar
O baxış qəlbimə iz qoyub getdi
Keçmişi mənimlə yazılan qızın
Ümidli sabahı puç olub getdi

Biz vəhdət olmuşduq hava su kimi
Dolu buludların yağmuru kimi
Onunla dərdləşib səhərə kimi
Sonda göz yaşıma qərq edib getdi

Əsdi ümidlərim üşütdü məni
Ağladı köksümdə şirin xəyallar
Ulduzlu gecələr bəslər qəmimi
Sevgimsə sabahı tərk edib getdi

İndi düşünürəm dönsəm keçmişə
Nübarı gecikən baxçalarımda
Həyat bizi salıb yaman gərdişə
Əğyar kölgəsində qocalıb getdi

Sev yana yana

Qərib günlərimin gizli sirdaşı
Hərdən xışıldayır qulaqlarıma
Üşüyən şəklimi əlinlə oxşa
Tər bənövşə kimi sür yanağına

Təsəlli axtarma xatirələrdə
Bizi bizdən alan ötən illərdə
Yaşa mənsizliyi şəkillərimdə
Toxun dodağıma öp yana-yana

Düşünmə mənsizlik məhv edər səni
Düşünmə sənsizlik itirər məni
Bir soyuq öpüşdə dəfn eylə məni
Ağla muradına gül yana-yana

Çox da kədərlənmə şəkillər üstə
Şəkillər dağılıb yatağın üstə
Gizlət ən yaxşısını sinənin üstə
Dəysin əndamına sev yana-yana

19.03.2016

Ağlayan Səadət

Tək qalıb otaqda azad düşüncə
Tək qalıb təkliyin dibinə varıb.
Qələm üsyan edir yaş süzülüncə,
Yay kimi dartılıb ox kimi batıb.

Sətirlər hərb yeri, vərəq yaralı,
Bəyaz səhifələrin ömrü qaralı,
Qələm heç dinməyir, sancır oxları
Qan axan sözlərə göz yaşı axıb.

Dəftər əsir olub, düşüncə silah
Qələm quduzlaşıb diş qıcıyarmış.
Masam bu savaşın canlı şahidi
Dəyən hər zərbəyə o göz yumarmış.

Bu ağır vəhdəti dağıdır yuxu.
Kədər məskənidir yuxunun çoxu.
Bu eşqin acı mən, həsrətdir toxu.
Dağınıq otaqda qol budaq atıb.

Fəqət, ümidlərim gəzir eyvanda.
Sübh çağı içimə çəksəm bir anda,
Düşün ki düşüncəm torpaq olanda,
Ağlayan səadət otaqda qalıb.

23.09.2019

İstə

Həyat dəyişkəndir, çapdırır atı
Yazıb təqvimləri, qurduq saatı
Gəzir rəqəm üstə insan həyatı
Dəyişən taleyin, dəyişim üstə

Sındır əqrəblərin azadlıq istə.
Axı nəyə lazım təqvim zamanlar,
Mövsümlər bəllidir, yoxdur gümanlar
Vaxtı qızıl bilib, qızıl satanlar

Alıcı tapılmaz çarəsi sizdə
Nisbiyə uyma sən, mütləqlər istə
Demə nə qazandım? mükafatım nə?
Həqiqət ruhundur, yalansa gənə

Sən nisbi zamana qurub məngənə
Sıxıb yalanları dürüstlük üstə
Təmiz sabahların paklığın istə
Zaman izafidir, ölüm anidir,

Təsadüf düşünmə yaşam fanidir
Cisim vədəlidir, ruh firaridir
Eşit qəlb səsini səbəblər üstə
Mənliyin yetimdir, təlatüm istə

Zənn etmə düşüncən tənha qalacaq
Əlbəttəki ruhumuz şərik tapacaq
Fikrin sabahlara baş qaldıracaq
Saxta fikirləri topla üst üstə

Üfür qaranlığa aydınlıq istə


28.01.2019

Sarsılan Ümidlər

Çırpınır qayada dəli dalğalar,
Dalğalar dərdlidir, dərdimə ağlar
Əlim tumar çəkər qaya sığallar,
Ağlar kədərimə rüzgarın səsi

Aya möhtac qalmış dəniz ləpəsi
Susdura bilmədim mən təbiəti,
Dalğalar qəzəbli, dəniz qəzəbli
Qaya dilə gəldi vermə əziyyəti

Göz yaşın ağırdır cismimi əzdi,
Ovub parçaladı, toz oldu, bəsdi.
Qəlbim necə dözsün bu əzəblara
Ruhum möhtac qalıb ötən çağlara

Vüsalın duman tək düşüb dağlara
Görünür evlərdən məhəbbət sisi
Kövrələn ürəklər yad edir bizi.
Çökdü sükunətim dindi yağışlar,

Bu gecə həsrətim məni alqışlar
Məni yetim qoydu nəmli baxışlar
Əlacı tapılmaz yoxdur çarəsi,
Əbədi susmayan ayrılıq səsi

Sanma ümidlərim dayaqdır mənə
Səni məndən alan cəzamdır sənə
Vurğumu vururam mən dönə dönə
Fələk məhrum etdi sevgidən bizi

Leylini Məcnun tək sevən hər kəsi.


30.01.2019

news-inner-user

18732 məqalə

Oxşar xəbərlər

Xəbər lenti

Qapılarda nökərçilik etdi, həbsə düşdü, qızına görə Siyavuş Aslanı döymək istədi – Məşhur aktyorun həyatından maraqlı faktlar
17:30 15 May 2021
Sevdiyi qız ona gizlincə tort bişirtmişdi - Gülsatan qız bu gün ad günü olan şəhiddən danışır...
15:49 15 May 2021
“Xarıbülbül” beynəlxalq musiqi festivalı Fransa mətbuatında
14:24 15 May 2021
Havalandı Xanın səsi, Qarabağın şikəstəsi: “Xarıbülbül” festivalından qeydlər – Vüsalə Mahirqızı yazır...
13:15 15 May 2021
"Nizaminin evi" bərpa olunur
12:31 15 May 2021
Biabırçı, rüsvayçı, faciəvi vəziyyət - Seymur Baycan yazır...
11:23 15 May 2021
Gel sevişək, qəşəng qız! - Süleyman Rəhimovun hekayəsi
10:33 15 May 2021
Sağlığında özünə ehsan verən, lənətlənmiş evdə yaşayan Xalq artisti...
16:27 14 May 2021
Həsrət nəğməsi bitdi - "Qarabağ bülbülləri" Şuşada...
14:01 14 May 2021
Ədəbi mühit ölüb - Gənc yazardan sərt tənqid
12:35 14 May 2021
Qusarlı Əzizə xalanın böyük sirri
11:40 14 May 2021
Səid Rüstəmov haqqında videoçarx hazırlanıb
11:09 14 May 2021
Nə murdar adammışlar, yahu?! - Cəbrayıl Dövlətzadə haqqında roman
09:01 14 May 2021
Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021