"Anam xəstədi, yeməkləri zibillikdən yığıb gətirir, yeyirəm ki, pis olmasın. Amma gedəndən sonra qaytarıram"
Kulis.az xəbər verir ki, aktyor Rza Rzayevin iddiasına görə, bu sözləri "Dolu" filmində uşaq rolunu oynayan Corc Qafarov deyib:
"Dostlar, məcbur oldum yazdım. Corc, bağışla məni... "Dolu" filminin çəkilişləri zamanı bir neçə səhnədə hamı ağlamışdı, amma məni daha çox ağladan Corc oldu. Corc da “Dolu” filmində çəkilirdi, uşaq idi. Çəkiliş olmayan günü yaradıcı heyət ilə birlikdə çay içirdik, aktyorlardan biri söhbət əsnasında Corca sual etdi :
"Anan sağdır, gəlir sizi görməyə?" Corc dedi, "hə, yemək də gətirir, bizi yedirdir, amma gedəndən sonra hamısını qaytarıram. Çünki, anam xəstədir, yeməkləri zibillikdən yığıb gətirir. Onun yanında yeyirəm ki, pis olmasın".
Qeyd edək ki, "Dolu" filmində "Drakon" obrazında çəkilən Rza Rzayevin danışdığı bu xatirə Corcun Roza Zərgərli tərəfindən oğulluğa götürülməsindən əvvəl baş verib. Ötən gün keçirilən bələdiyyə seçkilərində Corc Qafarov Qaraçuxur ərazisindən bələdiyyəyə üzv seçilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər