Kulus.az şair Səhər Əhmədin yeni şeirni təqdim edir.
Bu gün bütün qatarlara gecikdim,
Hamısına bir saniyə, bir addım.
Perronda dayanıb boynumu bükdüm,
Sanki Nuhun gəmisinə gec qaldım.
Köks ötürdüm, kimsə “sağlam ol”, - dedi,
Hıçqırığa dönüşübmüş ahlarım.
Eh, adamlar, yaralayan, sağaldan,
Siz, ey mənim sevimli əclaflarım.
İndi çöldə leysan tökür şəhərə,
Mən yeraltda vaqonları sayıram.
Bu gün mənim işim çoxdu, qutarmaz,
Bu gün sənin günahını yuyuram.
Fikirliyəm, çatılıbdı qaşlarım,
Hər günahı bir savaba bükürəm.
İndi yəqin düşünürsən, hardayam?
Metrodayam, qatara gecikirəm...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər