Ədəbi tənqid

Sənsizliyə dözməmək

Sənsizliyə dözməmək
16 oktyabr 2012
# 14:09

Bir nəfər az

Çanaq antenaları
göylərin sonsuzluğuna
qulaq kimi şəklənmiş
binaların sakinləri
çay içir, qab yuyur, nərd oynayır.
Mənsə yenə Darıxmağa məğlub oluram,
çünki yenə Darıxmağın hücumunda Dərd oynayır,
çünki yenə bir nəfər azlıqdayam...

Dünyaya – bu qədim adamyeyənə
ağaran saçlarla təslim bayrağı qaldırmış,
ömürləri reklam kimi təkrar
adamların gecəsi
topdansatış qarasıdı.
Mənimki gecə deyil,
gecə üstəgəl gecə vur gecədi.
Mənimki qara deyil,
zülmətin kvadratıdı.
Amma neyləməli, bir azdan
ikinci əl bir səhər açılacaq
və mən son istifadə tarixi keçmiş
bir ümid geyinib, gedəcəyəm.
Gedəcəyəm, sizin küçənizdə
baş rolda darıxmağa...

Klassika məşqlərindən – XXII

Səhər sənsiz açılır,
Gecə olur, bilirsən?
Sənsizliyə dözməmək,
Necə olur, bilirsən?

Bilirsən necə olur,
Özünü inandırmaq?
Bir siqaret sönməmiş,
Başqasını yandırmaq...

Bilirsənmi təqvimdə,
Sabahkı gün saralır?
Sənsiz havalar belə,
Başqa cürə qaralır.

Başqa cür əsir külək,
Başqa cür yağır yağış.
Amma eyni zibildi,
Bu araq - başıbatmış...

Görən neynirsən indi,
Papaqmı toxuyursan?
Yeməkmi bişirirsən,
Kitabmı oxuyursan?

Gözlərini qapayıb,
Arzularmı tutursan?
Bilmirəm, düşünürsən,
Yoxsa ki, unudursan?...

Sual

Tikan çiçəkdən çıxır,
yoxsa batıb çiçəyə ???

Aqibət

Belə də olur :
əl uzadıb “bunu verin” deyirsən,
görürsən ki, o xoşbəxtlik satılıb...

Qismət Rüstəmov
Qismət Rüstəmov
# 7416 dəfə oxunub

Oxşar xəbərlər

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026
Stiven Kinq: “Dəhşət ədəbiyyatı" çağdaş dövrün insanına daha yaxın ədəbi janrdır..."

Stiven Kinq: “Dəhşət ədəbiyyatı" çağdaş dövrün insanına daha yaxın ədəbi janrdır..."

14:00 21 sentyabr 2026
"Bəşər Tanrısız yaşamağa qadirdirmi?" - Gülnar Əhməd

"Bəşər Tanrısız yaşamağa qadirdirmi?" - Gülnar Əhməd

16:45 17 sentyabr 2026
"Hiss olunur ki, müəllif özünə sərbəstlik vermir" - Hekayə müzakirəsi

"Hiss olunur ki, müəllif özünə sərbəstlik vermir" - Hekayə müzakirəsi

12:00 16 sentyabr 2026
Oğuzların Alen Delonuyla dərdləşmək... - Kamal Abdulla Dədə Qorqudun sirr ortağıdır?

Oğuzların Alen Delonuyla dərdləşmək... - Kamal Abdulla Dədə Qorqudun sirr ortağıdır?

14:15 14 sentyabr 2026
Film, kino, görüntü, yaddaş, uşaqlıq... - Kasıblıq oğurluğa bəraət qazandıra bilərmi?

Film, kino, görüntü, yaddaş, uşaqlıq... - Kasıblıq oğurluğa bəraət qazandıra bilərmi?

14:47 11 sentyabr 2026
#
#
Ana səhifə Reels Yazarlar Xəbərlər