Nəsimi ilə bağlı yeni kitab nəşr edildi

Nəsimi ilə bağlı yeni kitab nəşr edildi
19 dekabr 2019
# 13:46

Bu günlərdə "Şərq-Qərb" nəşriyyatında Azərbaycan Respublikasının Əməkdar elm xadimi Qəzənfər Paşayevin "Nəsimi: Edamdan sonrakı həyat" kitabı işıq üzü görüb.

Nəşriyyatın baş redaktoru Nərgiz Cabbarlının Kulis.az-a verdiyi məlumata görə, kitab Nəsimişünaslar və oxucular tərəfindən böyük maraqla qarşılanacaq: “Çünki bu nəşr şairin həyat və yaradıcılığı ilə bağlı bir çox məqamlara, xüsusən də onun edamı və "dönüklüyü" məsələsinə yeni rakursdan yanaşma ilə diqqət çəkir. Professor Qəzənfər Paşayev kitabında elm aləmi üçün yeni olan bir çox məsələdən söz açır”.

Onu da qeyd edək ki, kitabda "Nəsimi: edamdan sonrakı həyat", "Nəsimi obrazı bədii ədəbiyyatda", "Bədii fikir tariximizdə Nəsimi zirvəsi", "Nəsimi sənətinin folklor qaynaqları və aşıq şeiri qatlan", "Nəsimi irsinin tədqiqində yeni mərhələ" məqalələri tamamilə yeni elmi qənaətləri əks etdirir. N.Cabbarlının sözlərinə görə, kitabda ən maraqlı məqamlardan biri Nəsiminin edamı ilə bağlı din xadimlərinin fətva vermədiyi qənaətinin irəli sürülməsidir: “Halbuki bu məsələ ilə bağlı indiyə qədər irəli sürülən fərziyyə tamamilə fərqli idi. Bu səbəbdən və bir çox başqa məqamlara işıq saldığı üçün inanırıq ki, monoqrafiya oxucu və tədqiqatçılar tərəfindən maraqla qarşılanacaq”.

Kitaba həmçinin şairin divanının heç bir nüsxəsində təsadüf edilməyən 11 və yalnız bir divan nüsxəsində rast gəlinən 63 şeiri daxil edilmişdir. Kitabın ön sözünün müəllifi akademik Rafael Hüseynov, rəyçisi akademik Möhsün Nağısoyludur.

# 3400 dəfə oxunub

Oxşar xəbərlər

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

15:00 29 noyabr 2025
Bi­zi sonsuz xəyallara qərq edən qüvvə - Sərgərdan və məzəli həyatın sonu

Bi­zi sonsuz xəyallara qərq edən qüvvə - Sərgərdan və məzəli həyatın sonu

13:52 29 noyabr 2025
Mehriban Xanlarova işdən çıxarıldı

Mehriban Xanlarova işdən çıxarıldı

12:54 29 noyabr 2025
Rusiyada "Whatsapp"  bloklana bilər

Rusiyada "Whatsapp" bloklana bilər

11:40 29 noyabr 2025
Mənsum İbrahimov:  "O insanların işi boş dedi-qodudur"

Mənsum İbrahimov: "O insanların işi boş dedi-qodudur"

10:36 29 noyabr 2025
Dövlət Kamera Orkestrinə yeni dirijor təyin olundu

Dövlət Kamera Orkestrinə yeni dirijor təyin olundu

10:10 29 noyabr 2025
#
#
Ana səhifə Yazarlar Bütün xəbərlər