Amerikalı aktrisa və model Şarliz Teron ilk dəfə anasının atasını necə öldürməsinin təfərrüatlarını danışıb.
Kulis.az xarici mediaya istinadən xəbər verir ki, verdiyi müsahibədə ailəsi ilə bağlı bu məsələyə toxunan aktrisa hadisənin 15 yaşında baş verdiyini deyib. O bildirib ki, həmişə sərxoş olan atası bir gün əlində silahla evə gəlib. Anası Gerda, atasının girməyə çalışdığı yataq otağında qızı ilə gizlənib. Qapını aça bilməyən atası otağın qapısına üç dəfə atəş açıb. "Xoşbəxtlikdən güllələr bizə dəymədi” deyən aktrisa anasının özünü və onu qorumaq məqsədi ilə atasını güllələdiyini deyib.
Aktrisa atasını ruhi xəstə insan kimi xatırlayır: "Ancaq bu mövzuda danışmaqdan utanmıram, bu barədə nə qədər çox danışsaq, tək olmadığımızı bir o qədər çox anlayırıq" deyə Teron etiraf edib.
Xatırladaq ki, dünya şöhrətli aktrisa Şarliz Teron Cənubi Afrikanın Yohannesburq yaxınlığındakı bir fermada böyüyüb. Aktrisa uzun müddət atasının ölümünün əsl səbəbini gizlədib və onun avtomobil qəzasının qurbanı olduğunu söyləyib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər