“Xanım taksi” təqdim olunacaq

29 dekabr, saat 15-də, Kitabevim.az mağazasında yazıçı Azər Qismətin “Xanım taksi” adlı kitabının təqdimatı keçiriləcək.

Kulis.az-ın verdiyi xəbərə görə, kitabda müəllifin son illərdə qələmə aldığı hekayə və novellaları toplanıb. “Xanım taksi” kitabındakı novellalarda insanların üzləşdiyi situasiyalar, həmin vəziyyətlərdən çıxmaq manevrləri incə yumorla təsvir edilib.

Xatırladaq ki, müəllifin oxucularla üçüncü görüşüdür. Bundan əvvəl “Duman”, “Çuğullar” romanı işıq üzü görüb. Qeyd edək ki, “Xanım Taksi” Biz Klub layihəsinin sayca 4-cü kitabıdır.