Sənət

Kafkanın əlyazmaları İsrailə veriləcək

Kafkanın əlyazmaları İsrailə veriləcək
15 oktyabr 2012
# 16:23
Kafkanın əlyazmaları müsadirə olunaraq İsrailin Milli Kitabxanasının arxivinə verilməlidir!

Bu barədə Tel-Əviv məhkəməsi qərar qəbul edib.

4 ildir ki, davam edən mübahisə nəhayət başa çatıb.

Bundan sonra əlyazmalar ictimai mülkiyyət sayılacaq.

Kafkanın dostu Maks Brodun katibəsi olmuş Esther Hoffe-nin övladları əlyazmaları satışa çıxara bilməyəcəklər.

Yəhudi əsilli, alman dilli yazar Frans Kafka 1924-cü ildə vəfat edəndə dostu Maks Broddan xahiş etmişdi ki, onun əlyazmalarını yandırsın.

Brod bu xahişə əməl etməmiş, əlyazmaların bəzilərini, o cümlədən “Qəsr” və “Məhkəmə” kimi romanları çap etdirmiş, beləcə Kafka 20-ci əsrin ən görkəmli yazarlarından biri kimi tanınmağa başlamışdı.

Məhkəmə qərarında göstərilir ki, Brod Hoffedən əlyazmaları Yerusəlimdəki Hebrew Universitetinin kitabxanasına, Tel-Əviv Bələdiyyə Kitabxanasına, yaxud İsrailin başqa bir ictimai təsisatına təhvil verməyi xahiş edib.

Brod 1968-ci ildə vəfat edəndən sonra əlyazmalara sahiblənən Hoffe isə bu xahişə əməl etməkdən boyun qaçırıb.

O, əlyazmaları müxtəlif yerlərdəki saxlanclarda gizləyib, hətta bəzilərini satıb.

Hoffe-nin övladları 2008-ci ildən bəri davam edən məhkəmə prosesində israr edirdilər ki, Brod əlyazmaları onların anasına hədiyyə edib.


Kafkanın əl yazısı - onun atasına məktubu
​​Həmin əlyazmalar arasında Kafkanın indiyəcən çap olunmamış əsərlərinin olması da güman edilir.

Əlyazmaların bir qismi İsraildə, bir qismi isə İsveçrədə saxlanır.

Israil Milli Kitabxanasının direktoru Oren Weinberg məhkəmənin qərarını alqışlayıb:

“Bu qərar Brodun əlyazmaların İsraildə və bütün dünyada ədəbiyyatsevərlərin oxuması üçün çap edilməsi arzusunun yerinə yetirilməsidir”.

Weinberg bildirib ki, əlyazmaların hamısı İnternetə yerləşdiriləcək və oxucular üçün əlyetərli olacaq.

BBC-yə istinadla oxuzali.az
# 2101 dəfə oxunub

Oxşar xəbərlər

"Qal, sənə qurban" xalq mahnısıdır, yoxsa... - TARİXÇƏ

"Qal, sənə qurban" xalq mahnısıdır, yoxsa... - TARİXÇƏ

17:00 20 oktyabr 2026
Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri

Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri

18:40 19 oktyabr 2026
"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?

"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?

14:00 19 oktyabr 2026
Xeyir-şər mübarizəsində ilahi zəfər - "Müqəddəs Mikayıl mələkləri cəhənnəmə tullayır"

Xeyir-şər mübarizəsində ilahi zəfər - "Müqəddəs Mikayıl mələkləri cəhənnəmə tullayır"

12:00 18 oktyabr 2026
"Həyat və qadın Tanrının ən qiymətli hədiyyəsidir..." - Artur Millerdən sitatlar

"Həyat və qadın Tanrının ən qiymətli hədiyyəsidir..." - Artur Millerdən sitatlar

14:00 17 oktyabr 2026
"Bunu bir qiyafə inqilabına bənzətmək istəsələr də..." - Qızlar üçün məktəb, yoxsa hamı üçün məscid?

"Bunu bir qiyafə inqilabına bənzətmək istəsələr də..." - Qızlar üçün məktəb, yoxsa hamı üçün məscid?

10:00 17 oktyabr 2026
#
#
Ana səhifə Reels Yazarlar Xəbərlər