AMEA-nın N.Gəncəvi adına milli Azərbaycan Ədəbiyyatı Muzeyində Nəsiminin 650 illik yubileyi münasibətilə təşkil edilmiş ekspoziya daha bir qiymətli eksponat hesabına zənginləşib.
Kulis.az xəbər verir ki, bu barədə muzeyin direktoru, akademik Rafael Hüseynov bildirib. O, əlavə edib ki, həmin qiymətli sənət əsərini tanınmış jurnalist Qulu Məhərrəmli vaxtilə Hələbə aparmaq üçün hazırlatdırıb.
Professor Qulu Məhərrəmli hələ 1990-cı ildə Hələbdə Nəsiminin məzarını ziyarət edərkən şairin dəfn edildiyi ərazidə onun kimliyi haqqında heç bir məlumat lövhəsinə rast gəlmədiyi üçün bu məsələni Suriya və Azərbaycanın dövlət orqanları qarşısında qaldırıb.
Müraciətlərin konkret nəticə vermədiyini görən telejurnalist, Nəsimi barelyefini öz hesabına hazırlatdırmağa qərar verib və bu nəcib işi heykəltəraş Xalq rəssamı Natiq Əliyevlə birlikdə tədricən reallaşdırıblar. Lakin bir çox səbəblərdən həmin barelyefi Hələbə aparmaq mümkün olmayıb. Buna görə də qiymətli sənət əsərini Ədəbiyyat muzeyinə bağışlamaq məqsədəuyğun sayılıb.
Akademik R.Hüseynov jurnalist Qulu Məhərrəmlinin bu addımını ləyaqətli vətəndaş davranışı kimi qiymətləndirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər