Filmlərin və serialların axın şəkilli multimedia əsasında ən iri təchizatçılarından biri olan “Netflix” firmasının rəhbərliyi bildirib ki, Martin Skorsezenin “İrlandiyalı” adlı yeni filminin nümayiş etdirildiyi ilk həftə ərzində bütün dünyada bu filmə baxanların sayı 26,4 milyondan çox olub.
Bu rəqəmə 3,5 saat davam edən filmin azı 70 faizinə baxmış tamaşaçılar da daxildir.
Gündəlik tələbat malları sənayesində marketinq hesablamaları aparan “Nielsen” şirkətinin məlumatına görə, ABŞ-da ilk beş gün ərzində “İrlandiyalı” filminə tamaşa edənlərin sayı 13,2 milyon olub. Həmin tamaşaçıların təqribən 20 faizi “İrlandiyalı” filminə onun translyasiya edildiyi ilk gündə - noyabrın 27-də tam həcmdə baxıblar.
“Netflix” şirkətinin elan etdiyi statistik məlumatlara inansaq, “İrlandiyalı” filmi Oskar mükafatına ən real namizədlərdən biridir. Prodüserlər bu filmin yaradılmasına təqribən 160 milyon dollar xərcləyiblər.
Dekabrın 8-də “İrlandiyalı” filmi “Qızıl qlobus” mükafatına müxtəlif nominasiyalarda, o cümlədən, “Ən yaxşı film” və “Ən yaxşı dram” nominasiyalarında namizəd kimi 5 mükafata layiq görülüb. Ötən həftə Nyu-Yorkdakı Kino tənqidçiləri Dərnəyi və ABŞ Kino tənqidçilərinin Milli Şurası “İrlandiyalı”nı “İlin ən yaxşı filmi” hesab ediblər./azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər