Müğənnilər “Ölülər”in müəllifini tanımır

Sənət

Ana səhifə
Sənət

Müğənnilər “Ölülər”in müəllifini tanımır

15 oktyabr 2012

11:40

Kulis.az sorğu müğənnilərimizdən “Ölülər” əsərinin müəllifinin kim olduğunu soruşub. Suala cavab verənlər oldu, sual qarşısında aciz qalanlar da.

Müğənni Cəmilə “yarım saatdan sonra zəng edərsən”, - deyib dəstəyi asdı.

Elariz Məmmədoğlu sualımıza doğru cavab verdi.

Manaf Ağayevin cavabı isə belə oldu: ”Mən haradan bilim kimin əsəridi”.

Əli Mirəliyev sualımıza ətraflı cavab verərək Cəlil Məmmədquluzadənin bu əsərini bir neçə dəfə oxuduğunu bildirdi.

Günel Ələkbərova dedi ki, xəstəxanadadır: “Mən xəstəxanadayam. Sən özün bilmirsən bu sualın cavabını? Sualı niyə mənə verirsən?”

Almaz Ələsgərli sualımıza əsəbi reaksiya verdi: "İstəyirsiniz biz müğənniləri indi də bu cür biabır edəsiniz?”

Cəmilə xanıma yarım saatdan sonra bir də zəng etdim. Cəmilə xanım sualı doğru cavablandırdı.

Güman etmək olar ki, o bu müddətdə kitabın və yaxud hansısa şəxsin köməyindən faydalanmışdı.

Səbuhi Eltonoğlu