writer1

Sevinc Elsevər

Məqalə sayı

107
clock10:45 calendar-gray 10 Dekabr 2019 view-gray1362 dəfə oxunub
view-gray1362 dəfə oxunub

Ögey anaların və qayınanaların qisası

Kulis.Az Sevinc Elsevərin “Göyçək Fatma nağılını oxuyub ögey ana olanlar" yazısını təqdim edir

Siz elə bilirsiz ki, bu günlərdə “Bakıda ögey ana azyaşlı uşaqlara işgəncə verib ” başlıqlı məqalələrdə məşhurlaşan ögey anadır ən qəddar ögey anamız? Yox, o, tək deyil.

Azərbaycan qadınlarının böyük əksəriyyətinin içində qəddar bir ögey ana yatır. Onların əllərinə yetim, çarəsiz, köməksiz körpə uşaq düşməyə bilər bir ömür boyu. Amma sonra onlar basdırdıqları, boğduqları istəyi başqa cür həyata keçirməyə çalışırlar. Gəlinlərinə əziyyət eləməklə.

Üç evli qadından birini dindirirsən, qayınanasından narazıdır. Özü də danışdırsan, görəcəksən ki, narazı olmağının da əsası var. Boş yerə narazılıq eləmir. Və məsələnin ən pis tərəfi odur ki, bu gün qayınanasından dad eləyən gəlin sabah özü də pis qayınana olur. O da əlinə düşən başqa bir “Göyçək Fatma”ya zülm edəcək.

Vaxtilə onun qayınanasına da belə zülm eləyiblər. Sanki o qayınanalar əllərinə düşən qurbandan öz acıqlarını çıxırlar , heyflərini alırlar və bu, onlara həzz, təsəlli verir. Keçən, itirilmiş ömrün qisasını bayram edirlər.

Qəddarlıq insanın təbiətində var. Balaca uşaqların heyvanlarla davranışına fikir vermişəm. Onlar heyvancığazları incitməkdən zövq alırlar. Bu onlar üçün çox əyləncəli olur, nəinki heyvanı sığallamaqları.

Hətta böyüklər özləri uşaqların, ən məsum insanları əzizləyərkən onların üzlərini çimdikləməkdən, yanaqlarından dişləməkdən daha çox həzz alırlar, nəinki başlarını tumarlamaqdan. İllah, qışqırdacaqlar, çəkəcəklər balaca körpəni özlərinə sarı, boğmaq istəyirrcəsinə qucaqlayacaqlar, uşağın nəfəsi kəsiləcək,- (böyüyün tərinin, parfümünün , nəfəsinin iyindən), həm qorxacaq əməlli-başlı, - sonra da çimdiyi, ya dişləyi yapışdıracaqlar, incidəcək, həzz alacaq. Bəli, biz beləyik. Amma şüurumuz, aldığımız tərbiyə, zamanla qazanılmış empatiya qurmaq bacarığımız bizə imkan vermir ki, daha irəli gedək. Balasını çox istədiyindən yeyən pişiklər, acığından, forsundan gəmirən dovşanlar kimi hərəkət edək.

Ögey uşaqlarına zülm edən həmin o qadının təbiətindəki qəddarlıq ona görə həm də qol-budaq atıb böyüyüb ki, cəzasız qalacağından arxayın olub. Tərbiyəsi, mənəviyyatı, əxlaqı o səviyyədə olub ki, qəddarlığı münbit şəraitdə intişar tapıb.

İnanın ki, o qadın bu gün ögey uşaqlarını sevgiylə böyütsəydi belə, içindəki qəddarlıq sabahkı “ögey qızlarına”- gəlinlərinə qarşı yönələcəkdi.

Niyə ögey analar qəddar olur? Az qala bütün dünya xalqlarının nağıllarında qəddar bir ögey ana obrazı var. Yüz illərdi yol gələn o nağıllar ögey anaları tərbiyələndirməli deyildimi? “Göyçək Fatma”, “Zoluşka”, “Ağca və yeddi cırtdan balası ” nağıllarını oxuya-oxuya böyümədimi o ögey analar? O nağıllardakı qəddar qadınlara nifrət etmədilərmi? Necə oldu ki, özləri də o qadınlara çevrildilər?

O vaxt “Ögey ana ” filmi ekranlara çıxanda Nəcibə Məlikova çoxlu tamaşaçı məktubu alıbmış. Məktubların birində isə balaca bir qız uşağı yazıbmış: “Mənim də ögey anam var. İstərdim o da sizin kimi mehriban olsun, məni cəzalandırmasın”.

REKLAM

Yazarın digər yazıları

Xəbər lenti

"İstəyirəm xanımların mənə yazığı gəlsin" - Vaqif Səmədoğlu ilə müsahibə
15:18 28 Yanvar 2021
Xalq artisti: "Şəfiqə Məmmədovadan hamı narazıdır"
14:40 28 Yanvar 2021
Eyvaz Əlləzoğlunun 65 yaşı tamam olur – Onu yaxından tanıyaq
14:36 28 Yanvar 2021
Nobel ziyafəti verilən salon peyvənd mərkəzinə çevrilir
14:22 28 Yanvar 2021
Aktrisa 94 yaşında vəfat etdi
13:41 28 Yanvar 2021
Vaqifin ortadan qırılan siqareti – Babək Göyüş yazır...
13:01 28 Yanvar 2021
Sevgilisi ilə xanımını 4 ay bir evdə saxladı, yəhudi toyunda hamını ayağa qalxmağa məcbur etdi- Heç kimə bənzəməyən Rəmiş
12:30 28 Yanvar 2021
Ürək parçalayan şəhid məzarları – Günahkar kimdi?
11:50 28 Yanvar 2021
Azərbaycanlının evlilik təklifi niyə bayağı alınır?
11:07 28 Yanvar 2021
Anar evliliyinin 59 illiyini qeyd etdi - Fotolar
10:25 28 Yanvar 2021
Kann Film Festivalı təxirə salındı
10:02 28 Yanvar 2021
Orxan Pamukun romanları Qərbin gizli sifarişidir – Aqşin Yenisey yazır...
09:01 28 Yanvar 2021
“Azərbaycanın klassik 12 instrumental muğamı” kitabı təqdim olundu
18:59 27 Yanvar 2021
Mədəniyyət naziri Fransanın dövlət katibi ilə görüşdü
18:11 27 Yanvar 2021
Qarabağda mina təmizləyənlərdən film çəkildi - Video
17:28 27 Yanvar 2021
Bizim keçmişimiz əl-ələ gəzir - Elvin Bakiroğlunun yeni şeirləri
16:46 27 Yanvar 2021
Di Kaprio ABŞ prezidentinə açıq məktub yazdı
16:01 27 Yanvar 2021
Fərhad Bədəlbəyli: “Bülbülün həyətinə girəndə qorxdum” – Şuşa söhbəti
15:18 27 Yanvar 2021
Çində "Nizami irsi" layihəsinə strat verildi
14:46 27 Yanvar 2021
Klassikanı niyə oxumalıyıq?
14:01 27 Yanvar 2021