“Çölçü” İsraildə ən yaxşı film oldu

Şamil Əliyevin “Çölçü” filmi “Near Nazareth Festival 2019” beynəlxalq kino ekspertlərindən ibarət münsiflər heyəti tərəfindən “Ən yaxşı bədii film” elan edilmişdir.

Bu barədə rejissor özü Kulis.az -a məlumat verərək bildirib ki, mükafatı təsdiq edən sertfikat ona təqdim olunmuşdur.

Qeyd edək ki, Şamil Əliyevin “Çölçü” filmi Mədəniyyət və Turizm Nazirliyinin sifarişi ilə “Azərbaycanfilm” kinostudiyasında 2012-ci ildə istehsal olunub. Film 5 qitəni əhatə edən 57 beynəlxalq film festivalında iştirak edərək 30-dan artıq müxtəlif mükafatlara layiq görülüb.

Şamil Əliyevin “Çölçü” filmi Azərbaycan Respublikası Mədəniyyət və Turizm Nazirliyinin sifarişi ilə C. Cabbarlı adına “Azərbaycanfilm” kinostudiyasında çəkilmişdir.