"Qaranlıqdan reportaj” tammetrajlı bədii filminin təqdimatı keçiriləcək.

Kulis.az xəbər verir ki, Azərbaycan və Fransa (Memuar Films, Caracteres Productions) istehsalı olan filmin dekabrın 11-də ADO teatrında təqdimatı baş tutuacaq.

Elşən Ədalətli, Pərviz Gülməmmədov, Nigar Kulahmədova, Ayşad Məmmədov, Cahangir Məlikov, İlqar Dadaşov, Tərlan Rəsulov, Ziyadxan Əliyev, Ruslan İsmayılov, Vüqar Arıqlar, Əhməd Qala, Tarix Vüsallı, Təzəxan Bəşir, Sevil Əlibəyli, İntiqam Hacılı, Elvin Adıgözəl çəkildiyi filmin prodüserləri İntiqam Hacılı və Elvin Adıgözəl, ko-prodüseri Etyen de Rikodur. Rejissoru Elvin Adıgözəl olan ekran əsərinin musiqisi Alain Kremskinindir, art-direktoru isə Nilufər Hacılıdır.

Qeyd edək ki, 2018-ci ildə 29-cu Marsel Beynəlxalq Film Festivalın əsas yarışma bölməsində iştirak edən filmin çəkilişləri Biləsuvar rayonunda və Bakı şəhərində aparılıb.

"Qaranlıqdan reportaj” tammetrajlı bədii filmi Marsel Beynəlxalq Film Festivalında iştirak edən ilk Azərbaycan filmidir. Bu, həm də Azərbaycanda müstəqil kinonun (independent cinema) uğuru kimi dəyərləndirilir.

Bölgə müxbiri çalışan Kərim düşdüyü tələdən qurtulmağa və karyerasını nizamlamağa çalışsa da, həmkarlarından gözləmədiyi hərəkətlərlə qarşılaşır. Bu isə digər həmkarının həyatı üçün təhlükəyə səbəb olur. Kərim vicdan əzabı ilə üz-üzə qalır.

• Selin Diondan yeni fransızdilli mahnı
• 2.7 milyardlıq qorxu imperatorluğu - "The Conjuring"in yeni filminin tarixi açıqlandı
• "Ulduz müharibələri"ndə dünya rekordu