Yaradıcılıq fakültəsində Şərif Ağayarla görüş keçirildi

Bu gün Azərbaycan Dillər Universitetinin “Yaradıcılıq fakültəsi”ndə yazıçı Şərif Ağayarla görüş keçirilib.

Kulis.az-ın verdiyi xəbərə görə, tədbiri giriş sözü ilə açan “Yaradıcılıq Fakültəsi”nin dekanı Qismət Rüstəmov tədbir iştirakçılarını salamlayıb. O, yazıçının yaradıcılığı haqqında tələbələrə ümumi məlumat verib.

Şərif Ağayar yazıçılığın praktiki tərəflərindən, dil, mətn və üslub məsələlərindən danışıb.

Yazıçı daha sonra tələbələrin konkret sualları ətrafında misallarla günümüzün ədəbiyyatı, dünya ədəbiyyatı ilə müqayisələr, gənc yazıçıların qarşısında duran əsas məsələlər və.s haqqında fikir mübadiləsi aparıb.