Kulis.az mərhum müğənni Xeyransa Məmmədova haqqında maraqlı faktları təqdim edir.

Xeyransa Məmmədova 1966-cı ilin 26 noyabrında kasıb bir ailənin 9-cu övladı olaraq dünyaya gəlib.

***

Uşaq vaxtı həyətlərində oynayanda qəfil üstünə it cumur. Xeyransa keçirtdiyi qorxunun təsirindən şəkər xəstəliyinə tutulur.

***

İlk dəfə böyük səhnəyə 1980-ci ildə, 14 yaşında çıxıb.

***

Lenin sarayında (indiki Heydər Əliyev Sarayı) rəsmi tədbirdə Cahangir Cahangirovun “Ana Kür” mahnısını ifa edir. Tədbirdən sonra Heydər Əliyev səhnə arxasına keçərək balaca qızcığazın kimliyi ilə maraqlanır, xəstəliyini biləndən sonra müalicəsinə göstəriş verir. Bu hadisə Xeyransaya daha da məşhurluq gətirir.

***

Xeyransa Məmmədova dörd il dalbadal “Oxu tar...” müsabiqəsinin, məktəblilərin Zaqafqaziya festivalının laureatı olub.

***

“Ana Kür” mahnısı ifa edəndən sonra hər dəfə o qədər alqışlanırdı ki, hətta Xalq artistləri onu qısqanırdı.

***

Dahi Niyazinin qəlbinə yol tapan, Xeyransa Məmmədova maestronun onu övladlığa götürmək təklifinə: “Mən sizi çox sevirəm, amma evimiz üçün darıxaram axı” cavabını verib.

***

Boş vaxtlarında pianoda, qarmonda, nağarada müxtəlif mahnıların oynaq ritmlərini çalmağı xoşlayırdı.

***

“Azkonsert”də sürücü işləyən gənclə ailə həyatı quran müğənninin həkimlər övlad dünyaya gətirməsinə qətiyyən icazə vermirdilər.

***

Son müsahibəsində: “Görəsən, qorxulu yuxularıma nə vaxt son qoyulacaq. Elə hey şirin yuxu görmək istəyirəm. Ancaq qorxulu, dəhşətli yuxular görürəm... Çox yox, kaş 50 il yaşayaydım, planlarımı həyata keçirə biləydim. İstəyirəm ki, əvvəli xoşbəxtlik, uğur olan sənət addımım bədbəxt sonluqla bitməsin” deyib.

***

Həkimlərin qadağalarına rəğmən beş dəfə hamilə qalan müğənni hamiləliyini sonlandıra bilmir. Uşaqlar tələf olur. 1995- ci ildə ildə 5-cı dəfə övlad dünyaya gətirən Xeyransa Məmmədova doğuş zamanı dünyasını dəyişir.

• "Star Trek" pərəstişkarlarından tarixi Ginnes rekordu
• Güvəc Alyoşa - Lev Tolstoyun hekayəsi
• Süni intellekt aktrisası "nasazladı"