Noyabr 7- də Ağcabədi rayon Üzeyir Hacıbəyli adına Qarabağ Muğam Mərkəzində Gənclərin 2-ci Yaradıcılıq “Xarı Bülbül” festivalı keçirilmişdir.

Kulis.az-ın Nazirliyin saytına istinadən verdiyi xəbərə görə, festivalda Ağcabədi rayon İcra Hakimiyyətinin nümayəndələri, Regional Mədəniyyət İdarəsinin rəisi Rza Quluyev, Gənclər üçün Təhsil Mərkəzi və digər mədəniyyət müəssisələrinin işçiləri, rayon ərazisində yerləşən “N” saylı hərbi hissənin bir qrup əsgər və zabit heyəti iştirak etmişdir.

Tədbirdə Gənclər üçün Təhsil Mərkəzi Qarabağ Regional Ofisinin rəhbəri Radə Telmanqızı və Ağcabədi rayon İcra Hakiyyətinin əməkdaşı Vüsalə Məmmədova çıxış edərək festival iştirakçılarına uğurlar arzu etmişlər. “Xarı Bülbül” festivalının məqsədindən söz açan natiqlər Qarabağ mədəni incilərinin təbliğ olunması, gənclərin yaradıcılıq bacarıqlarının üzə çıxarılması və artırılmasına kömək etmək, gənclərdə yaradıcılığa maraq oyatmaq və gənclərin yaradıcı ideyalarla çıxış etmələrinə şərait yaratmaq mövzusunda ərtaflı danışmışlar.

Sonra festival konsert proqramı ilə davam edib. Qarabağ Muğam Mərkəzinin müəllimi Əhəd Təhməzovun ifasında “Sevgili canan” romansı, müəllimlər – İsa Məmmədov, Həsən Əliyevin ifalarında “Qarabağ həsrəti” mahnıları, “Həvəskar aktyorluq və bədii qiraət” kursunun üzvləri Heydər Məmmədov və Egün Quliyevin M.Ə.Sabirin “Əhvalpürsanlıq” dialoq-şeiri, Üzeyir Hacıbəyli adına Ağcabədi Şəhər Uşaq İncəsənət məktəbinin rəqs kollektivinin “Sarı Gəlin” kompozisiyası, Hacıbədəlli kənd Uşaq Musiqi məktəbinin “Bayatı-Folklor” qrupunun üzvlərinin təqdimatında “Qarabağda toy” kompozisiyası, Zamin Sərdaroğulunun ifasında saz havası, Azərbaycan Aşıqlar Birliyinin üzvləri Əbdüləli Axundov, Təbriz Axundov və Tacir Alxanovun ifalarında el havaları təqdim olunmuş və festival iştirakçılarının alıqşları ilə qarşılanmışdır.

• "Resident evil"dən rekord
• Zər atıb musiqi yazan dahilər - Səs-küy, yoxsa sənət?
• “Taxt oyunları” serialının filmi çəkiləcək