news-inner
clock16:30 calendar-gray 06 Noyabr 2019 view-gray4736 dəfə oxunub
view-gray4736 dəfə oxunub

Ailəsindən küsən, tənha yaşayıb tənha ölən Xalq artisti

Bu gün Xalq artisti Zərnigar Ağakişiyevanın doğum günüdür. Kulis.az bu münasibətlə aktrisa haqqında maraqlı faktları təqdim edir.

1945-ci ildə Quba rayonunun Rustov kəndində doğulub. 12 yaşında soyadını dəyişib. Atasından xahiş edərək “Güləliyeva” soyadını “Ağakişiyeva” ilə əvəz eləyib. Ağakişi Zərnigarın babası, Güləli isə atasının babasının adıdır.

***

İlk dəfə səhnəyə kəndlərindəki tədbirlərin birində çıxır. Onda 5 yaşı olan balaca Zərnigar Səməd Vurğunun “Dahi rəhbərə” şeirini əzbər söyləyib.

***

Zərnigar hər iki valideyninin ikinci nikahından dünyaya gəlib. Anasının əvvəlki evlilikdən bir oğlu vardı. Zərnigar ögey qardaşı ilə yola getməyib. Kasıblıq, tənhalıq Zərnigarı ailəsindən didərgin salıb. Yük olmamaq üçün evi tərk edib. Ata bu gedişə etiraz etməyib.

***

Müstəqil həyata atılan Zərnigar Kooperasiya texnikumuna qəbul olunur və oranı bitirdikdən sonra Moskvaya, bir illik təkmilləşdirmə kursuna yollanır. Vətənə geri qayıdan gələcəyin aktrisası univermaqda işə düzəlir. Şərqşünas olmaq istəyib. Ancaq yerlər dolu olduğundan univermaqda çalışa-çalışa 1968-ci ildə Teatr İnstitutunun musiqili teatr aktyorluğu üzrə axşam şöbəsinə qəbul olunur.

***

Bütün internet resurslarında xanım aktrisanın doğum günü 6 noyabr kimi qeyd olunsa da, özü təkidlə doğum günün noyabrın 7-də olduğunu bildirirdi.

***

Tamaşaçılar onu mənfi rolların mahir ifaçısı kimi tanıyıblar.

***

Evləndiyi insan sənət adamı olmayıb. Evlilik həyatı 13 il çəkib. Aktrisa o günləri belə xatırlayır: “Mədəni, savadlı adam idi. Amma alınmadı bizimki. Ayrılıq qərarını da mən verdim”.

***

Müsahibələrinin birində söyləyir: “Sevdiyim bir kişi çıxıb gəl, evimin xanımı ol! desəydi, sənətdən imtina edərdim.”

***

Zərnigar Ağakişiyeva 2000-ci ilin əvvəllərində ağır şəkər xəstəliyinə tutulmuşdu. Koma vəziyyətində xəstəxanaya çatdırılıb. Müalicəsinə köməyi Xalq Artisti Məleykə Əsədova edib.

***

Son dönəmlər sənət yoldaşlarının, dostlarının zəngini qəbul etmir, hətta bəzən qapısına gələn yaxınların üzünə evin qapısını da açmırmış.

***

Aktrisaya 1989-1992-ci illərdə səhnədə cəmi 2 rol verilməsi onun teatrdan uzaqlaşmasına səbəb oldu. 7 ildən sonra Ədalət Vəliyevin dəvətilə yenidən teatra qayıtmışdır.

***

Həmişə tənhalıqdan qorxub. Bu qorxu bütün həyatı boyu onu addım-addım izləyib. Uşaq götürüb saxlamaq istəsə də, maddi sıxıntılarına görə bunu edə bilməmişdi. Sonda da öz evində tənha halda dünyasını dəyişdi.

***

Image result for Zərnigar Ağakişiyevanın məzarı

Xalq artisti ürək çatışmazlığından dünyasını dəyişib. Bir neçə gündür yaxınlarının telefonlarına cavab verməyən aktrisadan narahat qalan qohumları Fövqəladə Hallar Nazirliyinin xilasetmə xidmətinə müraciət edib. Xüsusi Riskli Xilasetmə Xidməti əməkdaşları tərəfindən qapı açıldıqdan sonra 73 yaşlı aktrisanın 3 gün əvvəl dünyasını dəyişdiyi məlum olub.

news-inner-user
Oğuz Ayvaz

210 məqalə

Oxşar xəbərlər

Xəbər lenti

“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
"Xarıbülbül" musiqi festivalı başlandı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021