Heydər Əliyev Sarayında Azərbaycanın xalq artistləri Gülyaz, Gülyanaq Məmmədova bacılarının “İki qəlbin nəğməsi” adlı solo konserti keçirilib.

Kulis.Az xəbər verir ki, konsert zamanı Gülyanaq Məmmədova göz yaşlarına hakim ola bilməyib. Müğənni "Mən bu ömrü elə-belə yaşadım" mahnısını ifa edərkən səhhətində problem olduğunu dilə gətirib və ağlayıb: "Bu mahnını ifa etməyə gücüm çatmır. Hər dəfə bu mahnını ifa edəndə mən elə şeylər yaşayıram ki... Həkimlər qoymadı ölüm".

Gülyaz Məmmədovadan və tamaşaçılardan dəstək alan müğənni mahnını yarıya qədər ifa edib.

Konsertdən sonra müğənni Kulis.az-a bildirib ki, bir neçə ay öncə səhhətində problem yaranıb. Xəstəliyi barədə danışmaq istəməsə də, müğənni problemin ürəyi ilə bağlı olduğuna eyham edib:

“İnsanıq, bəzən bədənimiz zəifləyir. Müəyyən orqanlarda problem yaranır. Məndə də nasazlıq yarandı. Adamın döyünən ürəyi bir gün əsirsə, o heçnə eləyə bilməz".

Xalq artisti bildirib ki, onun həyatda qalmasında həkimlərin ciddi rolu olub:

"Azərbaycan həkimlərinin önündə baş əyirəm. Qayınanam Türkiyənin məşhur xəstəxanalarından birində həkim işləyir. Çox sağ olsun, yayda qayınanam məni sağaltdı".

• Nizami Cəfərov “Ulduz”lu görüşlər”də
• "Açıq qаlmış əli tərpənmirdi..." - Ənvər Məmmədxanlı atasını xristian qəbiristanlığından necə xilas etdi?
• Redaktorlar poeziyanı öldürür? - Sovetin qalıqlarından qurtulmaq vaxtıdır!