13:44
27 Oktyabr 2019
1043 dəfə oxunub
1043 dəfə oxunub
Kulis.az “Bazar oxusu” layihəsindən Aşıq Şəmşirin “Kimi” rədifli qoşmasını təqdim edir.
Atəşində qovrulaydım, yanaydım,
Pərvanə şamlara qalanan kimi.
Bələnəydim ağ sinənin tərinə,
Bənövşə şehlərə bələnən kimi.
Mümkün ola qulluğunda qalardım
Müşkü-ənbər gül ətrini alardım
Yanağını, dodağını yalardım
Arı şan üstündə yalanan kimi
Şəmşiri gəl qoyma gözləri yaşlı
Ürəyi qüssəli qəlbi təlaşlı
Dolanım başına ay qələm qaşlı
Xəstə pir başına dolanana kimi
