17 oktyabr 2019-cu ildə Quba rayonunda yerləşən Mədəniyyət Evinin Mərkəzləşdirilmiş Kitabxana Sistemində Azərbaycan Respublikasının Prezidenti yanında Qeyri-Hökumət Təşkilatlarına Dövlət dəstəyi Şurası və Azərbaycan Yaradıcılıq Fondu (AYF) ilə birgə “Azərbaycanda yaşayan milli azlıqların söz yaradıcılıqları” layihəsi çərçivəsində hazırladığı “Milli azlıqların bədii yaradıcılıq antologiyası” kitabının təqdimatı keçirilib.

Tədbiri giriş sözü açan “Ay işığı” ədəbi məclisinin sədri, şair Ramiz Qusarçaylı qonaqları salamlayaraq çap olunmuş kitab barədə oxuculara geniş məlumat verib.

Daha sonra AYF-nin aparat rəhbəri, şair Qismət Rüstəmov ölkəmizdə baş verən multikulturalizm hərəkatı barədə geniş məlumat verib.

Multikulturalizm jurnalının baş redaktoru Fəxri Uğurlu Azərbaycan ədəbiyyatında Qubanın yazıçı və şairlərinin böyük rolu olduğunu qeyd edib.

Tədbirdə çıxış edən şair və yazıçılar Cəlaləddin Budaqoğlu, Şükür Baxışov, Mirfəttar, Zakir Məmməd bu kitabın çap olunmasının böyük hadisə olduğunu qeyd edib.

Sonda AYF-nin təşkilat şöbəsinin müdiri Fuad Cəfərov tədbirin keçirilməsində göstərdiyi dəstəyə görə, Azərbaycan Respublikası Prezident Administrasiyasına, Azərbaycan Respublikasının Prezidenti yanında Qeyri-Hökumət Təşkilatlarına Dövlət dəstəyi Şurasına, Bakı Beynəlxalq Multikulturalizm Mərkəzinə, Quba rayon İcra Hakimiyyətinə öz təşəkkürünü bildirib. /sim-sim.az/

• "İnsanın içində öldürdüyü uşaq" - Rüstəm Dastanoğlu
• Qəlbimdə sübhədək oyaq qalan qız... - Ramiz Qusarçaylı
• Parisdə məşhur qrupun konserti yarımçıq qaldı: Şəhərdə işıqlar söndü