news-inner
clock17:11 calendar-gray 16 Oktyabr 2019 view-gray178 dəfə oxunub
view-gray178 dəfə oxunub

Əmir Pəhləvanın 60 illiyi qeyd olunub

Beynəlxalq Muğam Mərkəzində tanınmış yazıçı, şair, dramaturq və kinorejissor Əmir Pəhləvanın (Hacılı Əmir Pəhləvan oğlu) anadan olmasının 60 illiyi münasibətilə tədbir keçirilib.

Mədəniyyət Nazirliyi və Beynəlxalq Muğam Mərəzinin birgə təşkilatçılığı ilə reallaşan tədbirdə tanınmış elm, mədəniyyət və incəsənət xadimləri, habelə ictimaiyyət nümayəndələri iştirak ediblər.

Gecədə tədbirin aparıcısı Əməkdar incəsənət xadimi İlham Rəhimli çıxış edərək dramaturqun həyat və yaradıcılığından söz açıb.

Bildirib ki, 70 kitabın, 20 filmin, 2 teatr tamaşasının müəllifi olan ədibin 5 filmi ( “Fransız”, “Qarabağ şikəstəsi”, “Spasibo”, “Qız Qalası”, “Bakı Nefti və Nobellər”) xarici kinofestivalların qalibi və baş mükafatlarını qazanıb. Onun 15 kitabı Avropa, ABŞ və Türkiyədə, 20 kitabı isə Rusiya və Ukraynada çap edilib.

Tədbir çərçivəsində yubilyara Qazaxıstan Respublikasının sabiq Prezidenti Nursultan Nazarbayev, Ukrayna Yazıçılar İttifaqının sədri Mixael Sidorjevski və Rusiya Yazıçılar İttifaqının katibi Lidiya Dovıdenko tərəfindən ünvanlanan təbrik teleqramları oxunub.

Tədbirdə akademik Nizami Cəfərov, Xalq şairi Vahid Əziz, ədəbiyyatşünas alim Qurban Bayramov çıxış edərək yubilyarı təbrik edib, onun yaradıcılığı ilə bağlı fikirlərini bölüşüblər. Vurğulanıb ki, müasir Azərbaycan ədəbiyyatının və kino sənətinin görkəmli nümayəndələrindən olan Əmir Pəhləvan Azərbaycan radiosunun “Cənub verilişləri” redaksiyasında “Gəncliyin səsi” proqramının yaradıcısı kimi fəaliyyətə başlayıb. O, “Baku”, “Bakı axşam” və “Azərbaycan müəllimi” qəzetlərində müxbir işləyib, “İlham” qəzetinin təsisçisi və baş redaktoru olub.

Qeyd edilib ki, müxbir işlədiyi illərdə Azərbaycan mətbuatında təcrübəli publisist kimi tanınan Əmir Pəhləvanın “O ay bir də doğmayacaq” adlı ilk kitabı çapdan çıxıb. “Step LTD” kinoşirkətini təsis edən Ə. Pəhləvan şirkətin xətti ilə yaradılan “Fransız”, “Qarabağ şikəstəsi”, “Spasibo”, “Qız qalası” bədii filmlərinin, “Bakı nefti və Nobellər”, “Avtoritet”, “Göyçay yəhudiləri”, “Doqquzuncu oğuz uyğurları”, “Kurqanlar”, “Hunqoriya”, “Şəhriyar”, “Sivilizasiya beşiyi – Çin”, “Tahirə” və başqa sənədli ekran əsərlərinin müəllifi və rejissoru olub. O, bu filmlərində tariximizin, taleyimizin maraqlı səhifələrini canlandırıb. Əmir Pəhləvan öz filmləri ilə beynəlxalq festivallara çıxaraq ölkənin kino sənətini bu və digər dərəcədə təmsil edib.

Gecədə Xalq artistləri Zabit Nəbizadə, Gülyaz Məmmədova, Əməkdar artistlər Gülüstan Əliyeva və bır sıra gənc müğənnilərin iştirakı ilə konsert proqramı təqdim edilib.

Sonda yubilyar çıxış edərək tədbirin təşkilatçılarına və iştirakçılara təşəkkürünü bildirib. /azertag.az/

news-inner-user

13224 məqalə

Paylaş

Oxşar xəbərlər

Xəbər lenti

Bəlkə səndən əvvəl öldüm: Zərdüşt Şəfi ilə son görüş
21:01 19 Noyabr 2019
“Babəkin heykəli Qafqazda ən hündür heykəllərdən biri olacaq”
19:00 19 Noyabr 2019
Türkiyədə Əhməd Ağaoğlu haqda sənədli film çəkilib - Video
18:24 19 Noyabr 2019
Yağışda gələn qız – Rasim Qaracadan hekayə
17:43 19 Noyabr 2019
Nazir direktoru təltif etdi
17:10 19 Noyabr 2019
Elçin Əlibəyli həyat yoldaşı tərəfindən döyüldü
16:35 19 Noyabr 2019
Haqverdiyevin 150 illik yubileyi UNESKO-da qeyd ediləcək
16:10 19 Noyabr 2019
Məşhur diktorla vətəndaş nikahında yaşayan müğənni - Maraqlı faktlar
15:30 19 Noyabr 2019
Xalq artisti səhnədən getdiyini elan edib
14:50 19 Noyabr 2019
Cavanşir Yusiflinin kitabı təqdim olunacaq
14:12 19 Noyabr 2019
"Qiyamət gün gəlir" - Rafiq Tağıya həsr olunan şeir
13:30 19 Noyabr 2019
Salam Sarvan məşhur meyxanaçı ilə görüşəcək
12:49 19 Noyabr 2019
Cəfər Cabbarlı həftəsi keçiriləcək
12:40 19 Noyabr 2019
“dOM” teatrının direktoru: “Elə oynamalısan ki, tamaşaçı oyuna qatılmaq istəsin” –Müsahibə
11:59 19 Noyabr 2019
Qadınların məğlub olduğu yer
11:41 19 Noyabr 2019
Bu əlyazma 780 min avroya satıldı
11:20 19 Noyabr 2019
Çox narahatam...
10:50 19 Noyabr 2019
Xalq artisti xəstəxanaya yerləşdirildi
10:12 19 Noyabr 2019
Vyanada Vaqif Mustafazadənin xatirəsinə konsert
09:50 19 Noyabr 2019
Yaxşılığın peşman elədiyi adam - İsi Məlikzadədən hekayə
09:00 19 Noyabr 2019