news-inner
clock16:01 calendar-gray 09 Oktyabr 2019 view-gray1466 dəfə oxunub
view-gray1466 dəfə oxunub

Bu səssizlik içində... Kimsəsizlik içində... – Hədiyyədən yeni şeirlər

Kulis.az Hədiyyə Şəfaqətin yeni şeirlərini təqdim edir.

İndi mənim halımın hal olmayan yeridir
Gözümün göz,
Əlimin əl olmayan yeridir
Şəhərin sükutunu pozur qanad səsləri
Hardasa işıq yanır,
Hardasa işıq sönür
Daha neçə yarpağın son nəğməsi səslənir
Neçə adam gecədən keçib evinə dönür...

Uzaq çöllərdən gələn bir xışıltı, əsinti
Deyir hardasa Tanrı dizini yerə qoyub
Mənim qəlbim həm orda, həm burda gizli-gizli
Sevişməyə soyunub - sözünü yerə qoyub...

Sönüb məbədlərdəki son şamlar,
Son dualar
Səhər hər şey yenidən səslənəcək, Sevgili
Hardasa göy sularda qağayı iddialar
Gün işığından qaçıb gizlənəcək, Sevgili...

Sən bax pəncərənizdən
Bax, göz dolusu bax, bax...
Gözünün şüşəsindən asılan təsviri sil
Görsən də,
Görməsən də günəş yenə doğacaq
Günəş yenə batacaq... Bu, sənə məlum deyil...

Bizə hələ çatmayıb son diləyin həniri
Yastığının içinə dolan qoru yerə at
Bir udum nəfəs deyil bu günahın sehiri
Səni bir qara daşa döndərəcək nəhayət...

Kimsə əlini qoyub ürəyinin üstünə
Gizlətsin göz yaşını payızlanan yağışda
Unutsun bu dünyanın əməli nə, qəsdi nə
Pıçıldasın:
- İlahi, onu mənə bağışla...

Gülümsə...
Heç kim heç vaxt kimsəni bağışlamır
Tanrı belə
Sən kimi bəndəni bağışlamır...

***

Bu səssizlik içində,
Kimsəsizlik içində
Ünvanına çatmayan hay kimiyəm, İlahi
Yatağına sığmayan çay kimiyəm, İlahi...

Qollarımı qaldırıb uçaram,
Nə edim bəs?
Qollarımı sındırıb köçərəm,
Nə edim bəs?
Özgə-özgə kəslərin yarasına ağlaram
Yaralayan kəslərin qarasına ağlaram...

Ovuclarımda yuva qurmaz daha buludlar
Bu eybi də üzümə vurmaz daha buludlar
Başımı qaldıranda göyü görə bilmərəm
Ha bətnə düş, ha doğul,
Böyü... görə bilmərəm...

İndi mənim hardasa saralır yarpaqlarım
İndi hardasa susub
Uçub gedən quşların yuvasına baxıram
İndi öz yaxasından üzülən barmaqlarım
Üşüyür...
Qoy üşüsün, sonrasına baxaram...

Məni torpaq bilib öl, məni səma bilib uç
Əlini ürəyinin üstündən ayrı saxla
Heç nəyə də inanma, özün-özündən soruş:
- Mən nə edə bilərdim bu get-gəlli qonaqla...

Bacarırsan bağışla,
bacarmırsansa qalsın
Yolunun gözü yolda,
Yolçunun başı qalda
Kimin yarası varsa bas bağrına, sağalsın
Mən qalmaram, ölərəm,
Qayıdıb adam olsam...

Hazırki əsas şəkil

news-inner-user

19131 məqalə

Oxşar xəbərlər

Xəbər lenti

Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
21:00 24 İyun 2021
BMT-nin nümayəndəsi Bakıdakı erməni kilsəsində olub
19:02 24 İyun 2021
Nişanını qaytarıb qohumu ilə evləndi, sevgilisi damarlarını doğradı, arvadı ona görə özünü öldürdü – Video
18:15 24 İyun 2021
Nüsrət Kəsəmənlinin oğlu Şuşaya görə medal aldı
17:40 24 İyun 2021
Cinsi yolla çoxalma sona çatır: Seksdən qurtuluş
17:30 24 İyun 2021
Azərbaycanlı prodüser iş yerində öldü
16:47 24 İyun 2021
Xalq şairinin kitabı təqdim edildi
16:44 24 İyun 2021
Kann festivalının münsiflərinin çoxu qadınlar olacaq
16:04 24 İyun 2021
Qasımın metamorfozu – Yeni hekayə
15:37 24 İyun 2021
Nizami haqda musiqi albomu təqdim olunub
14:55 24 İyun 2021
Cem Yılmazdan peyvənd açıqlaması: Bunun üçün axmaq olmaq lazımdır
14:12 24 İyun 2021
Azərbaycan-İraq mədəni əlaqələri müzakirə olundu
13:36 24 İyun 2021
Kəlbəcərli şair ata ocağına getdi, şeirlər yazdı - Fotolar
12:50 24 İyun 2021
Həkim olmaq istədi, 18 ay daş daşıdı, namaz qıldı – Elçibəy haqda 10 inanılmaz fakt
12:11 24 İyun 2021
Bütün azərbaycanlıların əzbər bildiyi şeir – Mətn
11:30 24 İyun 2021
Uyuşdurucudan çürüyən 16 yaşlı Aykalar - Tarqovıda, Neftçilərdə, Qaraçuxurda...
11:01 24 İyun 2021
Gənc şairimizin kitabı Özbəkistanda çap olunub
10:37 24 İyun 2021
Tanınmış yazıçımızın xanımı vəfat etdi
10:05 24 İyun 2021
Ayaz Salayevin başına bəla olan qadın – Zamin Hacı yazır...
09:01 24 İyun 2021
7 yaşında atasını güllələdilər, Rəsul Rza onun xəstələnməsinə dözməyib dünyasını dəyişdi, ərinin öldüyünü axıracan bilmədi – Nigar Rəfibəylinin film kimi həyatı
21:00 23 İyun 2021