Beş dəfə evlənən, dəmiryolunda işləyən, qızı yaşında birini sevən məşhur aktyorumuz

Beş dəfə evlənən, dəmiryolunda işləyən, qızı yaşında birini sevən məşhur aktyorumuz
4 oktyabr 2019
# 12:50

Bu gün Azərbaycanın ən məhşur komediya ulduzlarından biri, Xalq artisti Hacıbaba Bağırovun anım günüdür. Kulis.az əfsanəvi sənətkar haqda maraqlı faktları təqdim edir.

***

Atası bir zamanlar “Passaj” bazarının direktoru olmuş Ağarza Bağırovdur. Ağarza Bağırov həm də uzun illər “Muskomediya”nın inzibatçısı işləyib.

***

Anası Sona xanım isə Cəbrayılın Qumlaq kənindən olan Cəlal bəyin qızıdır. Deyilənə görə, sənətkarın ana nənəsi polyak olub. Onlar əsrin əvvəlində Cəlal bəylə Polşada evlənib Cəbrayıla köçüblər.

AzTv-nin keçmiş sədri, mərhum Elşad Quliyev Hacıbaba Bağırovun ana bir, ata ayrı ögey qardaşı imiş.

***

Orta məktəbi bitirən Hacıbaba Bağırov Akademik Milli Dram Teatrının nəzdində aktyor studiyasında dərs almağa başlayıb. Aktyor kimi teatrlarda fəaliyyət göstərə-göstərə Azərbaycan Dəmiryol məktəbində oxuyur. Çoxları Hacıbaba Bağırovun Biləcəri deposunda maşinist köməkçisi işlədiyini bilmir.

Lənkəran və Gəncə Dram teatrlarında işləsə də Musiqili Komediya teatrında yaratdığı komik obrazlar ona şöhrət gətirib. Həmçinin kinoda Möhsün (“Ulduz” filmi), Məmmədəli (“Alma almaya bənzər”) Şirbala (“Şirbalanın məhəbbəti”) rolları komik aktyor kimi onun şöhrətini birə beş artırıb.

Musiqili Komediya Teatrının tarixində ən məşhur və uğurlu tamaşalardan olan “Hicran” tamaşasında əfsanəvi üçlüyün (Nəsibə Zeynalova, Hacıbaba Bağırov, Səyavuş Aslanın) yaratdığı aktyor ansamblı öz təkrarsızlığı ilə yadda qalıb. Çoxlarısa bilmir ki, bu səhnələri yaradan zaman aktyorlar küsülü idi.

1974-cü ildə əməkdar artist, 1982-ci ildə xalq artisti fəxri adlarına layiq görülüb. 1996-cı ildən Ş.Qurbanov adına Azərbaycan Dövlət Musiqili Komediya Teatrının direktoru, bədii rəhbəri və aktyoru olub.

***

“Şirbalanın məhəbbəti”ndə evli ola-ola yeni sevdalara düşən Şirbalaya güləndə aktyorun özünün də bir neçə dəfə evlənməsini xatırlamalıyıq. H.Bağırov 5 dəfə rəsmi nikahda olub və bu nikahların 3-dən övladı dünyaya gəlib.

Amma onu da mütləq qeyd etmək lazımdır: sənətkar 80-ci illərin sonunda ailə qurduğu Tamara xanımın əvvəlki nikahdan olan qızlarına öz soyadını verib. Və “Şirbalanın məhəbbəti” filmində çəkilən uşaqlardan ikisi həmin qızlardır.

İlk dəfə hərbi xidmətdə olarkən ailə həyatı qurub və Aleksandr adlı bir oğlu olub. Zahiri görkəmiylə büsbütün Hacıbaba Bağırovu xatırladan Aleksandr atasının son günlərinə qədər ona baş çəkir, əlaqə saxlayırmış.

Sənətkarın sonuncu evliliyi isə özündən 37 yaş kiçik olan Arzu xanımla baş tutub.

Onun bu evlilikdən olan Şölə adlı qızı dünyaya gəlib.

Beləliklə, aktyorun böyük oğlunun 66, kiçik övladının 17 yaşı var.

Hacıbaba Bağırov 4 oktyabr 2006-ci il, 74 yaşında onikibarmaq bağırsağın iltihabından vəfat edib.

# 9629 dəfə oxunub

Oxşar xəbərlər

Taylor Sviftin geyimləri və şəxsi əşyaları nümayiş olunacaq

Taylor Sviftin geyimləri və şəxsi əşyaları nümayiş olunacaq

18:57 20 noyabr 2026
Ayasofiyada qədim tunellər aşkar edildi

Ayasofiyada qədim tunellər aşkar edildi

18:16 20 noyabr 2026
Bruno Marsın ailəsində ağır itki

Bruno Marsın ailəsində ağır itki

17:37 20 noyabr 2026
Kris Prat yeni fantastik filmdə baş rola çəkiləcək

Kris Prat yeni fantastik filmdə baş rola çəkiləcək

17:03 20 noyabr 2026
Nadir Bədəlov:  “Azərbaycan kinosu yox, Bakı kinosu var” – MÜSAHİBƏ

Nadir Bədəlov: “Azərbaycan kinosu yox, Bakı kinosu var” – MÜSAHİBƏ

16:32 20 noyabr 2026
Azərbaycan mahnıları ingiliscə, dünya hitləri azərbaycanca

Azərbaycan mahnıları ingiliscə, dünya hitləri azərbaycanca

16:00 20 noyabr 2026
Ana səhifə Reels Yazarlar Xəbərlər