Ədəbiyyat festivalı yekunlaşıb

Media

Ana səhifə
Media

Ədəbiyyat festivalı yekunlaşıb

4 oktyabr 2019

10:07

Oktyabrın 3-də Heydər Əliyev Mərkəzində “LiFFt-2019” IV Avrasiya ədəbi festivallar festivalının bağlanış mərasimi keçirilib.

APA-nın məlumatına görə, festivalın təşkilatçıları Avrasiya Millətlər Assambleyası və Rusiya Federasiyasının "LiFFt" Beynəlxalq Humanitar Fondudur.

Layihənin Azərbaycan tərəfdən həmtəşkilatçısı Heydər Əliyev Fondu, tərəfdaşı Azərbaycan Mədəniyyət Nazirliyi, ayrıca Mədəniyyət Nazirliyinin “Söz” layihəsi və Bakı Kitab Mərkəzidir. Avrasiya ədəbi festivallarını birləşdirən “LiFFt” 2016-cı ildən etibarən hər il keçirilir. Builki festival 2019-cu ilin BMT tərəfindən elan edilmiş Yerli Xalqların Dilləri İli Proqramına və böyük Azərbaycan şairi və mütəfəkkiri İmadəddin Nəsiminin 650 illiyinə həsr edilib.

Festivalın məqsədi Avrasiya ölkələrində yazıçıların və oxucuların yaradıcılıq və dostluq əlaqələrini möhkəmlətmək, vahid Avrasiya ədəbi məkanı yaratmaqdır.

Avrasiya Millətlər Assambleyasının direktoru Svetlana Konstantinova çıxış edərək “LiFFt-2019” IV Avrasiya ədəbi festivallar festivalının yüksək səviyyədə təşkil olunduğuna görə, ölkə başçısı İlham Əliyevə və birinci vitse-prezident Mehriban Əliyevaya öz təşəkkürünü bildirib.

Sonra “LiFFt-2019” IV Avrasiya ədəbi festivallar festivalının təşkilat komitəsinin sədri Marqarita Al çıxış edib. O, bildirib ki, festival həmişə həmrəylik və dostluq əlaqələrinə təkan verir: "Bu mənada “LiFFt-2019” IV Avrasiya ədəbi festivallar festivalı unikal platformaya çevrilir".

Sonra festivalın qalibləri mükafatlandırılıb. Müxtəlif nominasiyalar üzrə qaliblərə mükafatlar təqdim olunub.

Qızıl medala türk şair Tuğrul Tanyol layiq görülüb.

Tədbir daha sonra konsert proqramı ilə davam etdi.

Qeyd edək ki, növbəti festival Türkiyədə keçiriləcək.